UNPAZ SELEBRA ANIVERSARIU BA DALA XXI TINAN 2025

UNPAZ SELEBRA ANIVERSÁRIU BA DALA XXI TINAN 2025

Dili-09 Marsu 2025 Universidade da Paz (UNPAZ) realiza serimómia ba komerasaun Dies Natalis UNPAZ ba dala XXI tinan akadémiku 2025 ho tema “Reflesaun ba Amizade Entre Fundasaun Neon Metin ho Universidade da Paz”Iha Kampus Sentral UNPAZ Dili Timor-Leste.

Prezidente Konsellu Administrasaun FNM, Eng. José Menez, M. Food.Tech. hato’o parabens ba UNPAZ ne’ebé selebra aniversáriu 21 anus ezistensia Universidade da Paz, parabens mós ba estudante foun sira ne’ebé remata ona orientasaun akadémiku. Agradese mós ba komisaun organizadora ho sivitas akadémiku sira hotu ne’ebé servisu makas konsege realiza eventu ida ne’e.

Prezidente konta ohin ita hotu iha ne’e atu hanoin hikas ba tinan rua nulu ba kotuk dia 09 Marsu 2004 ne’ebé hari’i UNPAZ, ne’ebé ema lubun maka estabelese UNPAZ ne’ebé ita barak hatene to’o ohin loron.

“UNPAZ la’os hari’i husi ema riku ruma, maibe ho korajen no komitmentu liuhusi sakrifisiu ema lubun ida maka konsege hari’i UNPAZ sai progresu di’ak to’o ohin loron tanba ne’e agradese ba kontribuisaun di’ak husi parte hotu”,dehan Prezidente FNM.

Magnífiku Reitór UNPAZ, Dr. Adolmando Soares Amaral, Lic. Eco.,MM. hato’o obrigadu ba imi hotu ne’ebé hili UNPAZ hodi apriende siénsia no teknolojia, tanba ne’e agradese ba inan aman no sosiedade ba fiar ne’ebé fó ba Fundasaun Neon Metin haruka imi mai iha UNPAZ.

“Ohin ita selebra aniversáriu ba 21 anus ho tempu ida ne’ebé lafasil, maibe liafuan hotu ohin prezidente ko’alia UNPAZ to’o mai minutu ida ne’e istória UNPAZ nia ezistensia. Tanba ne’e ita hotu ne’ebé hetan fiar husi Fundasaun atu organiza no bokan loron ruma UNPAZ bele kompete ho ensinu superior sira seluk”,tenik reitór UNPAZ.

Reitór enkoraja estudante sira ne’ebé mai priende siénsia no teknolojia iha UNPAZ, imi tenki halo jestaun ba tempu ho di’ak, nune’e imi remata estudu bele halo buat ruma ba povu no rai ida ne’e, tanba imi nia kualidade públiku mak sei define, tanba sira mak konsumu ho rekursu ne’ebé ami produs

Entretantu iha serimónia komemorasaun dies natalis UNPAZ ba dala XXI, aumesmu tempu halo mós enseramentu ba atividade orientasaun akadémiku tinan 2025 liuhusi Visita de onra ba monomentu Saudozu Prof. Dr. Lucas da Costa, hodi hato’o komprimisiu estudante foun UNPAZ inklui sunu ahi (api unggun).

Partisipa iha dies natalis UNPAZ ba dala XXI tinan 2025, Prezidente Konsellu Administrasaun FNM, Eng. José Menez, M. Food.Tech. ho Fundador sira husi FNM. Magnífiku Reitór UNPAZ, Dr. Adolmando Soares Amaral, Lic. Eco.,MM. Diretor Ezekutivu CNC.IP., Hugu M. Fernandes, aumesmu entrega livru modul CNC ba UNPAZ. Tempu Senadu Universidade Senadu Fakuldade ho estrutura, Vice Reitor, Pro-Reitor sira. Xefe Unidade sira, dosente, Funsionariu, Alumni inklui sivitas akadémiku sira hotu iha Universidade da Paz.