![UNPAZ RESPONSABILIZA MISSA DOMINGU IHA PAROKIA LETE-FOHO](https://unpaz.tl/asset/foto_berita/275748922_691127855672503_8336585601427804403_n.jpg)
UNPAZ RESPONSABILIZA MISSA DOMINGU IHA PAROKIA LETE-FOHO
Dili-Universidade da Paz (UNPAZ) nia Magnifiku Reitór, Dr. Adolmando Soares Amaral, Lic. Eco.,MM. hamutuk ho estrutura tomak, nomós estudante sira hotu, hodi responsabiliza missa domingu iha Parokia Lete-Foho ne’ebé prejidi husi Pé Juvito do Rego, nomós Pé Parokia Lete-Foho, Helio Pereira Fernandes, (13/03).
Pé Juvito do Rego, iha omilia hateten, fiar la halo ema sai matan delek, fiar halo ema haree sasan mós liu, fiar ema haree no hili buat ne’ebé di’ak Maroamk, tamba fiar hamutuk ho Maromak hasa’e nia a’an husi rai no ema, nia sai ema ida ne’ebé hateke buat hotu ho matan Maromak ninian.
“Eskola atu halo mudansa ba povu nia distinu, eskola atu transforma sosiedade ne’e sai di’ak liu, eskola atu rezolve problema sira iha sosidade ninian, estuda-estuda atu halo neon matenek hodi transforma sosiedade”,dehan Pé Juvito.
Magnifiku Reitór, Universidade da Paz, Dr. Adolmando Soares Amaral, Lic. Eco.,MM. Unpaz mós ami hakarak hola ami nia papel importante ida, hakarak apoiu mós konstrusaun ba salaun Parokia Lete-Foho, ho nune’e lori familia bo’ot Unpaz nia naran, ami sei apoiu 10.000 dolar ba salaun Parokia Lete-Foho.
Ami agradese ba autoridade sira nomós Amu Parokia, ba sarani sira hotu bele simu ami nia estudante sira mai iha Lete-Foho.
“Ita hanorin ema forma ema, maibe ita la tau Maroamak iha sentru susar, tanba ne’e mak buat hotu susesu iha Universidade da Paz, ami hakarak agradese liuhuis ami nia peregrinasaun”,tenik Reitór.
Partisipa iha missa ne’e, Magnifiku Reitór, Universidade da Paz, Dr. Adolmando Soares Amaral, Lic. Eco.,MM. Pé Juvito do Rego, Pé Parokia Lete-Foho, Helio Pereira Fernandes, Madre sira, Estrutura UNPAZ, Kompostu husi, Vice Reitór sira, Dekanu Fakuldade 6, Xefe Departamentu sira, Pro-Reitór, Diretór/a Unidade sira, Dosente, Funsionariu, Autoridade Lokal sira, sarani sira hotu, inklui Sivitas Akadémiku hotu.