UNPAZ- REJISTU ONA ESTUDANTE FOUN 354
Dili-Universidade da Paz (UNPAZ) hahú rejistu ona kandidatu estudante foun atus tolu lima nulu resin haat (354) iha Kampus UNPAZ (17/01).
Diretóra UA-AAE, Sra. Marilia Juvi Gonçalves, Lic.,SP.,M. Kes, hateten etapa primeiru ita hahú rejistu iha 01 de Outubru to’o Dezembru, numeru estudante ne’ebé ita hetan husi 01 de Outubru to’o Dezembru, hamutuk estudante foun atus tolu lima nulu resin haat (354), ne’ebé rejisu ona iha UNPAZ.
Nia hatutan, iha Sabadu 15 ne’e ita teste ona estudante hamutuk atus tolu rua nulu resin ualu (328), sei falta rua nulu resin neen mak seidauk tuir teste.
“Etapa segundu nian, ita nafatin simu estudante foun to’o Fevereiru, posibilidade sei bele to’o Marsu”, dehan Diretóra UA-AAE, Sra. Marilia.
Numeru atus tolu lima nulu resin haat (354), kompostu husi Fakuldade neen, Fakuldade Ekonomia 65, Fakuldade Direitu 39, Fakuldade Siénsia Sosiais Humana 68, Fakuldade Saúde Públika 79, Fakuldade Enjeñartia 40, Fakuldade Teknologia Agrikola 10, total estudante foun 354 ne’ebé asesu ona mai iha UNPAZ ba etapa primeiru nian, tenik Nia.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
