#UNPAZ# 08 FEVEREIRU 2021
UNPAZ REJISTU ONA ESTUDANTE FOUN 1373
Dili-Universidade da Paz (UNPAZ) simu ona estudante foun ano letivu 2021, ne’ebé hala’o ona rejistrasaun hahu husi etapa dahuluk to’o etapa dahaat ho totál estudante hamutuk rihun ida, atus tolu hitunulu resin tolu (1373), ne’ebé kompostu husi Fakuldade neen, iha kampus UNPAZ (08/02).
Diretora Unidade Administrasaun Asuntu Akadémiku Estudantil Sra. Marilia Juvi Gonsalves, Lic. SP., M. Kes. Núdar responsavel komisaun inskrisaun ba tinan ida ne’e hateten, hahu husi etapa dahuluk to’o etapa dahaat ne’ebé tuir ona teste kompostu husi Fakuldade neen 1232.
“Sei iha kontinuasaun ba etapa dalima nian ba estudante foun atu bele mai halo rejistu hahu husi ohin, tanba tuir kalendariu Akdémiku sei taka rejistu final iha 18 Fevereiru”, dehan Marilia
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
