UNPAZ REALIZA WORKSHOP BA EVALUASAUN SERVISU

UNPAZ REALIZA WORKSHOP BA EVALUASAUN SERVISU

Dili-Universidade da Paz (UNPAZ) liuhusi Magnífiku Reitór Universidade da Paz, Dr. Adolmando Soares Amaral, Lic.Eco., MM hateten, atividade workshop ba evaluasaun servisu ne’e bazeia ba kalendáriu akadémika ne’ebé iha, hodi evalua tuir servisu na’in sira iha universidade nian. “Atividade ohin ne’e tuir kalendáriu akadémika katak, ita remata ezame ikus ba semester ida liu-liu semester impar nian mak, reklamasaun no lamentasaun ne’ebé ita hetan husi estudantes sira antes ne’e ita rona tiha ona, mak ohin ne’e, ita tenki halo evaluasaun hodi hateten katak, desizaun sira ohin ne’e, bazeia ba ezijénsia husi estudante sira liu-liu ba funsionáriu sira nia atendimentu, dosentes sira nia hanorin. Iha funsionárius, dosentes balun ita tenki suspende no demite tanbá ezijénsia husi estudante, tan ne’e evaluasaun ida ohin ne’e ita halo ba servisu tomak hahú husi seguránsa, jardineiru mai to’o iha funsionárius administrasaun, tantu fakuldade to’o iha universidade,” dehan Reitór UNPAZ. Magnífiku reitór klarifika liután, funsionáriu no dosentes sira ne’ebé mak ohin hetan demite, katak sei iha loron sanulu hodi bele tuir rekursu, tuir estatuta ne’ebé mak universidade estabelese. Entretantu atividade workshop ba evaluasaun servisu ne’e, hetan partisipa husi: Senadu Universidade da Paz, hahú husi Magnífiku Reitor, Vise-Reitores, Pro-Reitores, Senadu Fakuldade hahú husi Dekanu, Xefe Departamentus, Corpos Dosentes sira, Diretor/a Unidade no Funsionáriu sira hotu iha Universidade da Paz