Dili-Universidade da Paz (UNPAZ) realiza serimónia abertura workshop annual ba tinan akadémiku 2022 nian, hodi ko’alia kona-ba progresu, dezafiu no buka solusaun, iha Aula Prof. Dr. Lucas da Costa (27/10).
Magnifiku Reitór Universidade da Paz, Dr. Adolmando Soares Amaral, Lic. Eco.,MM. Hateten kada tinan ita sempre realiza atividade workshop annual, tanba tuir kalendariu akadémiku UNPAZ tinan ida ne’e, regula atividade tomak, no husi kalendariu akadémiku ne’e, tenki organiza workshop annual, hodi halo evaluasaun fila fali ba polítika universidade nian ne’ebé introdus iha kalendariu akadémiku ba tinan ida, ohin loron tomak hotu-hotu sei fokus ba progresu, aban haree ba dezafiu sira, no bainrua buka nia solusaun ka alternativa.
"Tinan 10 ba kotuk no tinan 5 ba oin ne’e, ita sei ko’alia UNPAZ ne’e sosiedade nian, ka UNPAZ ne’e ita hotu nian, maibe ita hakarak planu ba oin ne’e ita realiza, maka halakon tiha UNPAZ ne’e hanean ita hotu nian, maka UNPAZ ne’e tenki pai’is nian ona, tanba ne’e, progresu lubuk ida ne’ebé hahu husi 2019 mai to’o ohin loron, tanba ita hotu nia kontribuisaun",dehan Reitór UNPAZ.
Iha sorin seluk, Prezidente Konsellu Administrasaun (FNM), Ir. Jose Menezes, esklarese, Workshop annual atu avalia atividade ne’ebé ita planu iha tinan kotuk, saida maka ita hala’o no saida maka ita seidauk hala’o, ida ne’e natureza hanesan, iha governu mós akonete iha instituisaun privadu sira mós akontese.
"Ami husi fundasaun mai atu observa, aumesmu tempu aprejenta mós atividade balu ne’ebé maka fundasaun halo",tenik Prezidente FNM, Ir. Jose Menezes.
Entretantu atividade ba loron dahuluk nian maka, estrutura Universidade nian, ne'ebé kompostu husi Magnifiku Reitór, Vise Reitór nomós Pro-Reitor sira, aprejenta kona-ba progresu atividade hahú husi Janeiru to'o Outubru 2022.
Partisipa iha workshop annual tinan akadémiku 2022, Magnifiku Reitór Universidade da Paz, Dr. Adolmando Soares Amaral, Lic. Eco.,MM. Prezidente Konsellu Administrasaun (FNM), Ir. Jose Menezes. ho estrutura, nomós estrutura Universidade ne’ebé kompostu husi Vise Reitór, Dekanu Fakuldade 6, Xefe Departamentu sira, Pro-Reitor sira, Diretór/a Unidade sira, Dosente,inklui Funsionariu hotu iha Universidade da Paz.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
