UNPAZ REALIZA TESTE EZAME BA KANDIDATU ESTUDANTE FOUN ETAPA DARUAK NIAN

UNPAZ REALIZA TESTE EZAME BA KANDIDATU ESTUDANTE FOUN ETAPA DARUAK NIAN

Dili-Universidade da Paz (UNPAZ) realiza teste ba kandidatu estudante foun tinan akadémiku 2024 ba etapa daruak nian, ne’ebé kompostu husi Fakuldade neen no departamentu rua nulu resin ida (21) ne’ebé eziste iha Universidade da Paz, iha Kampus Sentral Dili (12/02/24).

Kandidatu estudante foun, Zauria Fernandes, hateten ha’u nia familia hotu hakarak ha’u tenki kontinua estudu iha UNPAZ, tanba universiadde privadu ne’ebé mak di’ak tebes iha Timor-Leste, ho nia ambiente ne’ebé mak di’ak no espasu ne’ebé luan tebes, fasil ba estudante sira atu estuda hamutuk inklui hala’o atividade sira ne’ébé liga pratika materia sira nian, tanba ne’e mak ha’u hakarak hili UNPAZ atu hala’o ha’u nia estudu.

“Fakuldade Ekonomnia ne’ebé ha’u hili, liu-liu iha departamentu bankaria pertinente tebes ba ha’u, no h‘au nia familia sira mós suporta tebes ha’u iha fakuldfade ekonomia liu-liu iha deprtamentu bankaria, oinsa ha’u bele apriende kona-ba banku nomós seluk tan ne’ebé ligasaun ho parte ekonomia nian”,dehan Zauria.

Estudante Rui Noronha universidade ida ne’ebé ha’u hili, ha’u garantia katak eskola nia iha kualidade, tanba ne’e, iha tinan kotuk ha’u halo peskiza uituan iha Universidade da Paz, iha sala relasaun internasional iha sira-nia hakerek kona-ba misaun no vizaun ne’ebé klaru, ha’u rasik halo leitura kedas iha ne’eba e ha’u komprende katak, iha faze ida ha’u peskiza ida ne’e, ha’u nota katak iha misaun no visaun ne’ebe maka universidade da paz iha klaru ona.

“Ho ida ne’e, ha’u deside depoisde decfinaliza sekudariu ha’u hakarak kontinua estudu iha nivel lisensiatura iha universidade da paz, liu-liu iha fakuldade direitu, fakuldade hotu-hotu ha’u haree nia borsusa, maibe fakuldade direitu maka ha’u rasik deside sai hanesan esperansa ida mosu mai ha’u uniku kedas la’os foin agora”,tenik.