UNPAZ REALIZA TESTE BA KANDIDATU ESTUDANTE FOUN NAIN (2.574) FAZE DAHULUK

UNPAZ REALIZA TESTE BA KANDIDATU ESTUDANTE FOUN NA'IN (2.574) FAZE DAHULUK

Dili-Universidade da Paz (UNPAZ) liuhusi UA-AAE hamutuk ho funsionariu sira realiza teste ba kandidatu estudante foun faze dahuluk tinan akadémiku 2023-2024 ba fakuldade neen, Fakuldade Ekonomia (577), Fakuldade Direitu (306), Fakuldade Ciensia Sociais Humana (504), FSPeCM (868), Fakuldade Enjeñaria (260), no Fakuldade Teknologia Agrikola (59), total estudante foun ne’ebé kompostu husi fakuldade neen hamutuk, estudante rihun rua, atus lima, hitu nulu resin haat (2.574), iha Kampus Sentrál (25/01/2024).

Magnífiku Reitór Universidade da Paz, Dr. Adolmando Soares Amaral, Lic. Eco.,MM. esplika rejistrasaun estudante foun, hahú loke iha dia 12 de Outubru tinan 2023, mai to’o semana kotuk, ohin estudante sira ne’ebé mai tuir teste ba faze primeiru nian ne'ebé kompostu husi fakuldade neen, ho programa de estudu 21 ba iha nivel lisensiatura, nune’e sei halo teste mós ba nivel mestradu no dotaramentu, maibe ohin teste ba de’it lisensiatura ho total 2.574, mestradu numeru sei kiik, siensia de direitu seidauk to’o na’in 10 Administrasaun Públika seidauk to’o na’in 10 no Saude Públika seidauk to’o na’in 10, nomós Doutoramentu na’in (5) tanba ne’e seidauk organiza teste ba sira.

“UNPAZ agora ne’e, la’os ona alternativu, tinan sanulu (10) ba kotuk ami iha ne’e sai alternativa katak, joven sira ba tiha UNTL depois la liu UNTL sira foin mai UNPAZ, maibe agora la’e, tinan hira mai ne’e, UNTL seidauk anunsia rezultadu, UNPAZ liu ona 2000, ne’e ami hatete katak sosiedade ne’e komprende ona universidade nia kualidade, sosiedade ne’e komprende ona polítika universidade atu garante nia kualidade",dehan Reitór.

Líder masimu ne'e, promete nafatin prepara kondições minimas sala de aprendijazem, labolatorium no biblioteka no nafatin investe ba rekursu humanus dosente sira kontinua hasa’e sira-nia kursu nivel mestradu no doutoramentu atu bele garante kualidade, tanba UNPAZ sai ona opsaun, ho ida ne’e ami teke garante kualidade no kondições minimas sira ne’ebé ami iha, atu forma sira sai rekursu ne’ebé kualidade, atu bele prepara sira sai atan loloos no servidór loloos ba povu no rai ida ne’e.

Kandidatu Estudante, Idalia Martins Caldas, sente kontente tebes hakarak atu kontinua estudu iha UNPAZ, primeiru haree husi ambiente ne’ebé mak di’ak tebes, segunsu ha’u hili UNPAZ liu-liu FSPeCM ba iha Departamentu Enfermagen, ha’u harak estuda kona-ba salva ema nia vida, maske ida ne’e la fasil, maibe ha’u koko esforsu no estuda maka’as, atu bele atiji objetivu ne’ebé mak iha, tanba depois de ha’u remata, ha’u bele mós ajuda ha’u nia familia no sosiedade, ho ida ne’e UNPAZ ha’u hili primeiru atu aprende, nune’e bele prepara futuru ne’ebé mak di’ak.

Sorin seluk, Reinaldo Fernandes, hatutan materia ne’ebé ami texte di'ak tebes, tanba ne'e ha’u kontente bele hola parte ona iha UNPAZ, ba iha fakuldade CSH liu-liu ba departamentu Administasatun Públika, ami foin remata iha ensinu sekundariu, ha’u sente kontente ho UNPAZ, UNPAZ universidade ne’ebé privadu ho kustu propinas ne’ebé kiik, bele hakman inan aman, hanesan estudante foun, UNPAZ nia kualidade ha’u haree laiha duvida, tanba dosente sira ne’ebé nivel mstradu no doutoramentu mak hanorin lisensiatura, la’os lisensiatura hanorin fali lisesiatura lae, tanba ne’e ha’u hili UNPAZ.