UNPAZ REALIZA RENIAUN HODI PREPARA NO INVENTARIZA PROGRAMA ANNUAL IHA FULAN OUTUBRU TINAN AKADEMIKU

UNPAZ REALIZA RENIAUN HODI PREPARA NO INVENTARIZA PROGRAMA ANNUAL IHA FULAN OUTUBRU TINAN AKADEMIKU 2022

Dili-Universidade da Paz (UNPAZ) liuhusi estrutura universidade hala’o enkontru ho funsionariu sira hodi haree ba preokupasaun sira ne’ebé mak universidade hasoru, iha Aula Prof. Dr. Lucas da Costa (08/09).

Xefe Gabinete Reitorado. Sr. Françisco M. F. Ximenes. Lic. Eco, ne’ebé reprezenta Magnifiku Reitór hateten, reuniaun nivel universidade nomos konvida estrutura no exelensia Sr. dekanu sira, , Xefe departamentu sira hotu, Viçe reitor, pro-reitor, diretor unidade sira, korpus dosente inklui funsionariu sira hotu ne’ebé mak iha Universidade da Paz.

Nia hatutan, agenda ne’ebé ko’alia kona-ba preparasaun no inventariza programa, inklui atividade ba Workshop annual iha fulan Outubru tinan akademiku 2022. Ne’e duni iha progresu lubuk ida ne’ebé Magnifiku Reitor aprezenta katak, implementasaun progresu atividades nomós dezafiu sira ne’ebé durante ne’e hasoru depois de tinan 2021-2022.

"tanba ne’e universidade kompremitidu lihusi Magnifiku reitor hateten, sei haree fila fali ba dezafius no kondisaun prioridade sira ne’ebé mak oras ne’e dadaun seidauk responde ba nesesidade tuir polítika estratejiku universidade",dehan Nia.

Nia reforsa, ohin universidade rona preokupasaun sira husi funsionariu no dosente sira kona-ba lamentasaun ne'ebe mak durante ne'e sira hasoru.

Husi preokupasaun sira ne’e universidade sei konsidera ba nesesidade sira ne’ebé mak universidade presiza no inventariza programa polítika sira ne’e, ita hot-hotu sei konsentra ba Workshop annual ne’ebé iha mak ita sei haree kona-ba progresu saida, dezafiu saida ita sei haree no hadia atu nune’e bele hadia universidade ne’e ba oin, Nia hakotu.

Partisipa iha atividade refere, Magnifiku Reitór Universidade da Paz, Dr. Adolmando Soares Amaral, Lic.Eco.,MM. estruturan Universidade kompostu husi, Dekanu Fakuldade 6, Xefe Departamentu sira, Diretóra Unidade sira, Pro-Reitor sira, Dosente inklui Funsionariu sira hotu iha Universidade da Paz.