UNPAZ REALIZA ORIENTASAUN AKADEMIKU BA KANDIDATU ESTUDANTE FOUN (3.625)

UNPAZ REALIZA ORIENTASAUN AKADÉMIKU BA KANDIDATU ESTUDANTE FOUN (3.625)

Dili-Universidade da Paz (UNPAZ) realiza Orientasaun Akadémiku (ORIAK) 2024 ba Kandidatu Estudante Foun Rihun Tolu, Atus Neen, Rua Nulu Resin Lima (3.625) ho Tema "Formasaun Karakter No Intelektual Núdar Xave ba Dezenvolvimentu Jerasional, Iha Salaun José Kasimiru (26/02).

Magnífiku Reitór Universidade da Paz, Dr. Adolmando Soares Amaral, Lic. Eco.,MM, hateten lori familia bo’ot Universidade da Paz nia naran, atu hasee no bem-vindu ba kolega no alin sira ne’ebé afirma, ita bo’ot sira-nia pozisaun hakarak mai hamutuk ho familia bo’ot Universidade da Paz, atu aprende hamutuk siensia no teknologia, atu prepara ita nia an no kapasita ita nia an no ita bele halo buat ruma ba povu no rai ida ne’e.

“Ho hanoin ida de’it, imi mai ita aprende, ita lok siensia no teknologia ba malu ne’ebé mak iha, para ita bele halo buat ruma ba povu no nasaun, siensia ne’ebé ita aprende iha UNPAZ hanesan de’it ho sira ne’ebé iha nasaun liur sira, tanba ne’e, imi lalikan lakon vontade atu aprende, sira iha liur mós aprende siensia no ita iha timor mós aprende siensia”,dehan Reitór UNPAZ.

Entretantu iha Atividade Orientasaun Tinan Akadmiku 2024 ne’e, abertura husi Magnífiku Reitór Universidade da Paz, Dr. Adolmando Soares Amaral, Lic. Eco.,MM. Akompña husi Prezidente Konsellu Administrasaun FNM, Eng. José S. Menezes M.FoodTech. Vise Reitores sira, Dekanu Fakuldade neen, ho Estrutura Fakuldade nian, Pro-Reitor sira, Diretór Unidade sira, Dosente, Funsionariu inklui Sivitas Kadémiku sira hotu iha Universidade da Paz.