![UNPAZ REALIZA KOMPETISAUN HODI KOMEMORA EZISTENSIA UNIVERSIDADE BA DALA XIX](https://unpaz.tl/asset/foto_berita/620.jpg)
UNPAZ REALIZA KOMPETISAUN HODI KOMEMORA EZISTENSIA UNIVERSIDADE BA DALA XIX
Dili-Universidade da Paz (UNPAZ) hala’o atividade kompetisaun ba “Desportiva, Dansa Kuklturais, Poesia, Pablic Speaking ba Lian Portugues no Ingles, Sadres, Marsimband, Akustik, nomós modalidade sira seluk, hodi selebra ezistensia UNPAZ ba dala XIX tinan akadémiku 2023, iha Kampus UNPAZ (08/03).
Magnifiku Reitór, Universidade da Paz, Dr. Adolmando Soares Amaral, Lic.Eco.,MM. hateten ita aban atu komemora aniversau UNPAZ ba dala XIX, iha atividade lubuk ida mak ita organiza para atu bele komemora aniversariu ida ne’e, ho ida ne’e mak atividade desportiva, dansa kuklturais, poesia, pablic spaking ba lian portugues no Ingles, Sadres, marsimband, atividade ka modalidades sira hotu ne’ebé ita organiza, atu bele selebra aniversariu universidade da paz iha Timor-Leste ba dala XIX.
Nia hatutan, atividade sira ne’e hotu atu komemora aniversariu ba dala XIX, tanba ne’e hakarak konvida estudante ativu semester 1, 3,5 no 7 inklui antigus alunus hotu nomós ba sosiedade liu-liu inan aman sira, ne’ebé mak tau ona fiar ba universidade da Paz hodi haruka oan sira mai iha ne’e, iha loron aban ita hotu-hotu hamutuk iha misa agradesimentu ba aniversariu UNPAZ ba dala XIX nomós atividade animasaun sira hahu husi 09 horas dader to’o 09 horas kalan, tuir sekuensia ne’ebé mak iha.
“Kompetisaun sira ne’ebé ita organiza, la’os atu buka manan ka lakon, maibe kompetisaun sira ne’e atu inventariza talentu estudante sira nian, para ba oin universidade atu investe no promove talentu sira ne’e, aban bairua sir abele halo buat di’ak ba instituisaun no nasaun nomós di’ak ba povu Timor-Leste”, dehan Reitór UNPAZ.
Reitór, nafatin konvida hotu-hotu nia partisaun ba sosiedade liu-liu inan aman, estudante sira hotu nomós antigus alunus sira hotu, tanba aban loron aniversariu ba ita nia universidade, tanba ne’e universidade odamatan nakloke mai ita hamutuk, hodi kontenete hamutuk atu bele selebra aniversariu ida ne’e.
Iha fatin hanesan, Aldinha Leao Dias Cardoso
husi, E.S.G.AN'NUR, agradese ba universidade da Paz nomós dosente sira hotu, funsionariu sira hotu no maun bin sira hotu. Individualmente ha’u senti orgullu no kontenti, apresia bo’ot tebe-tebes maski ohin loron ami halo atraksaun iha fatin ida ne’e senti buat hotu la’o ho di’ak, nomós sai nu’udar primeiru lugar, la’os fasil, durante ne’e, ami mós esforsu an treinu dalaruma mutin bele sai fali metan, habai an iha loron manas, maibé ida ne’e mak ami nia konsikuensia.
“Maibe to’o ikus mai hetan resultadu primeiru lugar, ne’e halo ami hanesan puas tebes saida mak durante ne’e, ami esforsu duni, nune’e ha’u representa ha’u nia kolega sira hotu hakarak hato’o agradese wa’in tebes ba Magnifiku Reitór no Fundasaun ho Etrutura sira hotu. Ami espera loron ida ami sai hotu alunus iha UNPAZ ida ne’e.
Nia salienta, Tempu ruma tuir fali mai iha karta konvite ruma bele konvida nafatin Anur, tanba ami anur sempre prontu kualker tempu udan, anin, loron no saida de’it akontese ami anur sempre prontu nafatin, tanba ida ne’e, ami nia kna’ar nudar durmband oan.
Sorin seluk, Sarayva Sulange de deus Monis Guteres, husi Colegio são José, sente kontente no orgullu tebes bele sai manan na’in ba drumband segundu lugar, maibe agradese tebes kompetisaun ida ne’e, ami la espera ami atu hetan segundu lugar, maibe ho esforsu hotu ami bele hetan segundu lugar.Ami nafatin esfosu atu bele partisipa iha tinan tuir mai, ami garante kata kami sei hetan rejultad ida mais pozitivu liu.
Aliende ne’e, Antonia Leong, husi Colegio Paulo VI, orgullu tebes bele hetan terseiru lugar ba iha komptetisaun ne’ebé organiza husi UNPAZ liu-liu ba iha drumband nian, ami nafatin orgullu tanba ami lori nafatin ami nia eskla Kolegiu Paulo VI nia naran ba oin, maibe ami sei esforsu nafatin liuhusi avaliasaun sira ne’ebé painel juri sira rekomenda.
Partisipa iha atividade kompetisaun ne’e, Prezidente Konsellu Administrasaun Fundasaun Neon Metin, Etsrtutura Senadu Universidade, Painelista sira, parseiru inklui Sivitas Akadémiku Universidade da Paz.