UNPAZ REALIZA EZAME FINAL BA ESTUDANTE SEMESTER I

UNPAZ REALIZA EZAME FINAL BA ESTUDANTE SEMESTER I

Dili-Universidade da Paz (UNPAZ) liuhusi Komisaun responsavel ezame final, realiza ezame ba estudante semester I, ne’ebé kompostu husi fakuldade neen, iha Kampus sentral UNPAZ Timor-Leste (18/06/24).

Pro-reitor ADRH, Sr. Carmo A. P. Baptista, S.Sos.,M.Si. hateten

ezema ne’ebé hala’o ohin, bazeia ba kalendariu akadémiku ne’ebé universidade da Paz estabelese ba semester impar liuliu ba estudante semester I, e ezame ne’e mós bazeia ba reuniaun senadu hodi deside ba ezame loron ohin.

Nia esplika, ezame ida ne’e universidade forma nafatin komisaun, ne’ebé Vise reitor asuntu akadémiku sai hanesan kordenador no Pro-reitrr DRH, sai hanesan prezidente komisaun ne’ebé servisu hamutuk ho IQA, UA-AAE nomós komisaun hotu hola parte.

“Ezame ne’e mós komisaun detekta katak, iha fakuldade balu husi komisaun la autoriza estudante sira tuir ezame, tanba dosente ne’ebé fó materia seidauk priense rekejitu ba aula (14), desizaun ida ne’e la’os komisaun mak deside la’e, maibe hala’o orientasaun husi regras universidade nian katak, dosente iha responsabilidade hanorin (14) se la to’o ida ne’e komisaun sei hapara ezame ba estudante sira”,tenik Prezidente Komisaun.

Nia haktuir, bazeia ba observasaun ne’ebé detekta ohin ba estudante sira ne’ebé la tuir ezame, tanba seidauk kompleta materia husi dosente,ho ida ne’e husi komisaun mós nafatin halo aprosimasaun ho xefe departamentu sira ba materia ida ne’e ho dosente, atu bele buka fali tempu seluk atu bele kontinua fó ezame ba estudante sira.

Prezidente dehan, estudante sira ne’ebé tuir ezame iha aula laran, bazeia ba lista ne’ebé fakuldade prin sai, tanba sira ne’e selu ona propinas, maibe estudante ne’ebé mak naran la iha lista, signifika nia seidauk kompleta propinas, tanba ne’e, komisaun fó orinetsaun ba estudante sira atu kompleta propinas, hafoin bele partisipa ezame iha loron tuir mai.

Tuir observasaun Média nian nota iha terenu katak, estudante sira ne’ebé seidauk partisipa ezame, tanba kestaun propinas selu tarde, tanba ne’e ohin komisaun fó orientasaun ba estudante sira selu direta iha kampus, tanba kareta Banku Mandiri oras ne’e dadaun halo atendimentu ba estudante sira iha salaun josé kasimiru.