UNPAZ REALIZA EZAME BA KANDIDATU ESTUDANTE FOUN 74

UNPAZ REALIZA EZAME BA KANDIDATU ESTUDANTE FOUN 74

Dili-Universidade da Paz (UNPAZ) realiza ezame ba kandidatu estudante hitu nulu resin haat (74) faze dalima ba tinan akadémiku 2023, ne’ebé kompostu husi Fakuldade neen, iha kampus sentrál (15/03).

Diretor UA-AAE, Sr. Almerindo B. Sequeira, Lic.Tec.,M.Eng. hateten teste ohin 15 Marsu 2023 ba etapa lima nian ho estudante hamutuk 74 ba Departamentu 21 ne’ebé mak eziste iha UNPAZ, entaun totál estudante ne’ebe mak UNPAZ agora dadaun rejistu estudante foun ba tinan akadémiku 2023 nian ne’e, hamutuk (3.716) husi ida ne’e Fakuldade Ekonómia 760, Fakuldade Direitu 415, Fakuldade CSH 736, Fakuldade Saúde Públika e Ciênsia Medica ho Departamentu hitu hamutuk 1.258, Fakuldade Enjeñaria hamutuk 486 no ikus liu Fakuldade Teknolojia Agrikola 65.

“ita sei nafatin simu estudante foun, maibé ba iha fakuldade sira ne’ebé mak iha ninia departamentu estudante barak ona ita limite, ezemplu hanesan Fakuldade Saúde Públika, ita bele simu de’it estudante ba deprtamentu Biostatístika no Sistema Informasaun Saúde. Fakuldade lima seluk ita nafatin simu estudante, tanba haree ba ita nia rásio rekursu umanu ho fasilidade ne’ebé universidade prepara sei bele simu tan estudante foun”, dehan Diretor UA-AAE, Sr. Almerindo.

Entretantu teste estudante foun ba faze dalima, kompostu husi estudante fakuldade neen hanesan:

Fakuldade Ekonomia ho total (14) ne’ebé kompostu husi Departamentu 4, Departamentu Jestaun estudante (5), Konatabilidade (4), Bankaria (5), Empreendedorismu (0).

Fakuldade Direitu ho total estudante (13).

Fakuldade CSH ho total Estudante (9) ne’ebé kompostu husi departamentu 4 hanesan Departamentu Relasaun Internasionál estudante (5), Polítika Dezenvolvimentu (0), Estudu ba Paz (0), Administrasaun Públika (4).

FSPeCM ho total estudante (32) ne’ebé kompostu husi Departamentu 7 hanesan Departamentu Jestaun , ADM Polítika Saúde (3), Siensia Nutrisaun (1), Siensia Saúde Ambientál (0), Saúde Reprodutiva (2), Siénsia Epidemologia (0), Biostatístika no Sistema Informasaun Saúde (4), Siénsia Enfermagen (22).

Fakuldade Enjeñaria ho total Estudante (4), ne’ebé kompostu husi Departamentu 3, hanesan Departamentu Arkitetura estudante (2), Enjeñaria Indústria (2), Sivil (0).

Fakuldade Teknologia Agrikola ho total estudante (2), ne’ebé kompostu husi Departamentu 2, hanesan Departamentu Jestaun Alimentar estudante (2), Konservasaun Rekursu Naturais (0). Bolsa estudu ne’ebé universidade da paz oferese ba estudante departamentu rua mak hanesan ; Empreendedorismu (145) Estudu ba Paz (70).