UNPAZ REALIZA ELEISAUN HODI HILI KANDIDATURA SENADU ESTUDANTIL FOUN NIVEL UNIVERSIDADE

UNPAZ REALIZA ELEISAUN HODI HILI KANDIDATURA SENADU ESTUDANTIL FOUN NIVEL UNIVERSIDADE

Dili-Universidade da Paz (UNPAZ) hala’o eleisaun hodi hili kandidatura senadu estudantil universidade foun ba tinan akademíku 2024-2025, iha salaun José Casimero (16/11/24).

Iha eleisaun senadu estudantil nivel universidade Vice Reitora Asuntu Estudantil, Sra. Felisbela A. O de Oliveira, Lic.Sp., M.SP, Agradese ba komisaun sira hotu ho ita bo’ot sira nia esforsu tomak ohin loron aktividades ida ne’e realiza, nomós agradese ba imi na’in hira ne’ebé mak ho inisiativa hodi mai kompete ba iha senadu estudantil nivel universidade da paz tinan akademiku 2024-2025 ha’u orgullu no louva teb-tebes ba ita bo’ot sira imi tenki iha prinsipiu akademíku katak ha’u iha ne’ebé, ha’u mai husi ne’ebé no ha’u atu halo sa’ida, no ba fatin ne’ebé mak ha’u atu ba, ida ne’e mak objetivu moris ne’ebé los. Tanba ne’e husu ba imi na’in hira ne’ebé kompete, tenki servisu hamutuk hodi ita bele lori programa ne’ebé mak iha hodi bele implementa. No iha biban ida ne’e atu dehan ba senadu estudantil eleitu imi tenki iha prinsipiu ne’ebé mak di’ak iha hanoin ne’ebé mak di’ak no iha programa ne’ebé mak di’ak iha tinan ida nia laran, nomós ba votante sira la bele hili tuir ida-idak nia fakuldade maibe imi hare liu husi sira nia kanpaña, vizaun, misaun no programa ne’ebé mak sira iha.

No atu hateten de’it ba ita hotu ne’ebé mak iha ne’e katak kuandu ema ne’ebé matenek mak ema ne’e forte, ema ne’e foti desizaun ba an rasik, ema iha prinsipiu rasik no tenki simu konsekuensia saida mak atu akontese iha futuru no nia la haluhan nia responsablidade ne’ebé nia promete iha ema hotu nia oin. No atu dehan ba imi na’in hira ne’ebé eleitu atu manan ka lakon imi manan hotu importante servisu hamutuk hodi bele lori programa sira ne’ebé imi planu ona iha tinan ida nia laran.

Iha fatin hanesan senadu estudantil universidade, Aderito Jaime Ximenes, hateten Ohin ita hahu eleisaun ba senadu estudantil universidade da paz ba tinan akademiku 2024-2025 tanba mandatu senadu estudantil universidade ne’ebé mak hatuur ona iha livru matadalan universidade nian katak mandatu senadu estudantil tinan ida deit, ho nune’e ohin ita halo eleisaun hodi re-eleitu fila-fali estrutura hodi kontinua aktividade extra-kurikuler no sai hanesan matan, tilun no ibun estudante sira nian hodi hatutan sira nia aspirasaun no preokupasaun. Hanesan senadu estudantil orgullu ba ita bo’ot sira nia vontade hodi mai kompete ba iha senadu estudantil universidade hodi kontinua aktividades sira ne’ebé iha imi nia programa inklui iha universidade da paz.

Senadu kontinua husu ba maluk estudante sira katak sira na’in hira ne’ebé mak ohin mai kompete ne’e reprezenta ita estudante hotu iha universidade da paz hodi lori no hato’o ita nia preokupasaun no aspirasaun ba parte relevante sira hodi bele solusiona. Tanba ne’e iha prosesu eleisaun nia laran naturalmente iha lakon no manan maibe importante ba imi nain hira hodi servisu hamutuk no responsabiliza ba imi nia pozisaun no komfiansa ne’ebé imi hetan la bele to’o deit iha kanpaña, maibe tenki implementa bainhira imi sai hanesan senadu estudantil no ba maluk estudante sira atu hili la bele hili tuir fali ida ne’eba ha’u nia kolega maibe hili hare ba sira nia programa, vizaun, misaun no objetivu ne’ebé mak sira iha.

Entretantu kandidatura ba xefe senadu estudantil nivel universidade mak hanesan, 1. Fernandu Barros Martins, 2. Victor de Jesus Barros, 3. Julião de Jesus Martins, 4. Tomas I. D. J. Soares Martins 5. Tiborcio C. Freitas Sousa. No partisipa iha aktividade eleisaun ne’e, Vice Reitora Asuntu Estudantil, Sra. Felisbela A. O de Oliveira, Lic,Sp.,M.SP, estudantes sivitas akademíku sira hotu iha Universidade da Paz.