UNPAZ REALIZA ELEISAUN BA KANDIDATURA SENADU ESTUDANTIL UNIVERSIDADE

UNPAZ REALIZA ELEISAUN BA KANDIDATURA SENADU ESTUDANTIL UNIVERSIDADE

Dili-Universudade da Paz (UNPAZ) hala'o Serimónia ba eleisaun Kandidatura Senadu Estudantil Universidade ba tinan akadémiku 2023-2024, Objetivu husi senadu Estudantil Universidade nian maka iha papel importante tebes hodi eleva estudante sira-nia koñesimentu no talentu liuhusi atividade extra kurikulariu no planu ba programa sira, iha Salaun José Casimiro (19/10).

Vise Reitor Asuntu estudantil, Extra Kurikulariu, Kreativu Inovativu no Antigus Alunus, Sra. Marilia Juvi Gonçalves, Lic. SP.,M. Kes. esplika kandidatu senadu estudantil ba iha tinan ida ne’e, ita halo diferensia ho tinan hirak liu ba kotuk, tanba kandidatura sira bainhira submete dokumentu sai hanesan preokupasaun bo’ot ba sira, tanba ho kriteiria ne’ebé mak todan tebes, se ita la halo kriteria ida ne’e, oinsa estudante atu sai líderansa no oinsa nia atu organiza ema lubuk ida ne’ebé hola parte iha universidade ida ne’e, ita halo kriteria ida ne’e, atu halo mudansa ba imi iha futuru ne’ebé mak di’ak.

“Mudansa iha nasaun ida ne’e sura mós ho ita bo’ot sira no mudansa ba universidade ida ne’e mós sura ho ita bo’ot sira, ho ita bo’ot sira mak ita bele halo mudansa ba nasaun ho ita bo’ot sira mak ita bele halo mudansa ba universidade, se la konta ho ita bo’ot sira maka laiha mudnsa ba ema ida. Tanba ne’e, sai ba senadu estudantil ne’ebé mak kreativu no bele akumula problema no rezolve problema saida de’it mak atu akontese iha UNPAZ, tanba ne’e eleisaun ida ohin mai ho lema ida katak, Livre, Honestidade no Konfedensial, tanba ne’e husu ba estudante sira hotu labele hili tuir ida-idak nia fakuldade, maibe haree ba kandidatu na’in neen ne’ebé aprezenta nia programa di’ak hili mak ida ne’e”,dehan Sra. Marilia.

Nia hatutan, sai senadu la’os buat fasil, tanba senadu servisu voluntariu, atividade saida de’it iha kampus ida ne’e, nia tenki prontu, tanba ne’e tenki sai ema ne’ebé mak hanesan reloju katak, nia ema ida la duni, maibe nia nafatin halai, nia lahatene bainhira mak atu para, estudante tenki sai hanesan ne’e, atu nune’e bele halo mudansa ba imi nia an no halo mudansa ba familia no nasaun nomós universidade ba iha futuru.

Iha fatin hanesan, Xefe Senadu Universidade, Efrem Mariz Pinto, katak ohin ita hahu fila-fali eleisaun ba senadu estudantil nivel universidade, tanba senadu estudantil nu’udar nukleu ezekutivu/ reprezentativu ba estudante hotu-hotu ne’ebé maka hamahan-an iha UNPAAZ, senadu estudantil durante nia mandatu preiodu tinan ida, ohin loron ita atu eleitu fila-fali ba senadu estudantil ba tinan akademiku 2023-2024, tanba ne’e kolega sira mai ho konsensia kritiku, konsensia ne’ebé mak realidade, konsiensia kreativu no konsiensia ne’ebé mak defini nia an intelektual iha sosiedade mak fó ninia votus ninia an ba kandidatu estudantil iha universidade nian.

Xefe ne’e dehan, Senadu estudantil la’os nomeasaun husi parte universidade, maibe ida ne’e nia nomeasaun husi kolega sira atu nune’e ita rekonese katak ida ne’e ita nia senadu estudantil ne’ebé representa ita hotu sai hanesan matan, tilun no ibun ba kolegas sivitas akadémika sira hotu. sai matan, tilun ibun no fuan ba estudante sira hotu-hotu ne’ebé hasoru problema iha universidade, la’os estudante universidade de’it, maibe sai mós matan tilun ibun ba rai timor ida ne’e.

“Kampus la’os fatin ita atu baku malu ka seran malu, maibe kampus hanesan fatin laboratorium ida ne’ebé mak ita halo peskiza, problema sira ne’ebé mak kolega sira hasoru ita hamutuk hodi rezolve, problema ida ne’e mak obriga ita atu kandidatu an sai senadu estudantil, la’os sai senadu estudantil para ema atu respeitu ema hakruk ba ita ne’e lae nunka existi ida ne’e, no kampus sai hanesan fatin ida ne’ebé mak atu produs rekursu umanu ne’ebé mak kualidade atu kontrolu sosiedade ida ne’e sai di’ak, kampus ne’e hanesan fatin ida ne’ebé mak hatene didi’ak transformativu, idea ida ne’ebé mak inovativu, idea ida ne’ebé mak kreativu”,tenik.