UNPAZ REALIZA ATIVIDADE TALKSHOW AKADEMIKU HODI KOMBATE DROGA IHA TIMOR-LESTE

UNPAZ REALIZA ATIVIDADE TALKSHOW AKADÉMIKU HODI KOMBATE DROGA IHA TIMOR-LESTE

Dili–Universidade da Paz (UNPAZ) liuhusi Senadu estudantil hodi realiza atividade Talkshow akadémiku ho tema Atuasaun Estadu RDTL Kombate Droga iha Timor-Leste “Dignifika Valores Umanu Liuhusi Lei”,iha Salaun Jose Casimiro (05/09).

Magnifiku Reitór Universidade da Paz, Dr. Adolmando Soares Amaral, Lic.Eco.,MM. hateten mai ita hamutuk iha fatin ne’e, ho ita nia hanoin sira ne’e, ita nia esperansa hodi bele kontribui no solusiona ba Estadu Governu iha rai ida ne’e, se ema ida de’it mak kontribui ba rai ida ne’e susar atu dezenvolve, maibe se kuandu ita hamutuk ho forsa ba malu , forsa ida ne’e mak sei fó kontribuisaun ne’ebé di’ak ba nasaun ne’e.

“Ohin ita hahu istoria foun ida iha fatin ida ne’e, no iha tempu seluk mós bele akontese iha fatin seluk, tanba timor ne’e ba ema ida de’it ho nia razaun, tinan 10 ba leten mós ita la sente dezenvolimento, se timor ne’e, ema hotu-hotu mai fó liman ba malu, ita hotu hamutuk fiar katak, tinan 5 tinan 10 ba oin ita sei sente dezenvolvimentu ne’e povu mós sei moris di’ak”,tenik Reitór.

Reitór salienta, hahu ohin tempu to’o ona jerasaun foun tenki hamutuk, depois ita nia hamutuk ne’e bele fó kontribuisaun ba ita nia lider Polítiku ukun na’in sira, tanba ne’e ita institutu akadémiku mak sei iha responsabilidade moral hodi ko’alia no hakilar nafatin ba instituisaun kompotente sira hodi deskobre buat ne’e to’o ninia abut, tanba ne’e ita sai forsa ida, ha’u fiar katak estadu no governu sei konsidera ita nia hanoin sira ne’e, Nia reforsa.

Xefe Senadu Estudantil UNPAZ, Bernardinu Ximens haforsa, objetivu ba atividade loron ohin mak, realiza liuhusi isu interasante ba problema sira ne’ebé seidauk rezolvidu ba iha sesaun ida ne’e ba iha povu Timor Leste no Sosiedade tomak, tanba droga ne’e ameasa ba iha destinu nasaun nian no ba povu tomak.

Entretantu iha Talkshow ne’e, estudante husi, (UNTL) ko’alia kona-ba“Perspektiva akadémiku ba Estadu Timor-Leste nia politika kombate Droga” (UNITAL) ko’alia kona-ba “Perspektiva Akadémiku ba Kombate Droga iha Timor-Leste” (UNDIL) ko’alia kona-ba “Perspektiva akadémiku ba desizaun tribunal ne’ebé fó termu identidade residensia(TIR) ba arguidu nain sia (9), (UNPAZ) ko’alia kona-ba “Perspektiva akadémiku ba papel defesa no seguransa nia atuasaun ba droga iha Timor-Leste”.

Partisipasaun ba atividade Talkshow loron ohin, Magnifiku Reitór Universidade da Paz, Dr. Adolmando Soares Amaral, Lic.Eco.,MM. observadór na’in rua, Dr. Armindo Amaral, S.H.,M.H. ho Polisia Sientifika Investigasaun Kriminal(PSIK) Estudante husi UNTL,UNITAL,UNDIL, no UNPAZ, inklui sivitas akadémiku sira hotu.