UNPAZ RAMU RAEOA ABERTURA ORIENTASAUN TINAN AKADEMIKU 2023

UNPAZ RAMU RAEOA ABERTURA ORIENTASAUN TINAN AKADÉMIKU 2023

Dili-Univeraidade da Paz (UNPAZ) nia Kampus Ramu Raeoa hala'o abertura ba Atividades Orientasaun ba estudantes foun tinan letivu 2023, Atividades abertura ne'e Orientasaun loke diretamente husi Reprezentante Primeiru Vise Reitor Asuntu Akadémiku, Sr. Joanino Xavier Hei, Lic CSH., M.Ed. ne'ebé reprezenta Magnifiko Reitór UNPAZ (Dr.Adolmando Soares Amaral.Lic.Eco.,MM)., Iha Kampus UNPAZ Ramu Raeoa (22/04.

Vise Reitor Asuntu Akademiku Sr. Joanino Xavier Hei, Lic CSH., M.Ed.
Iha ninia intervensaun ko'alia kona-ba ezistensia Unpaz tuir nia vizaun, misaun,dezafius no progresus dezenvolvimentu ne'ebé ohin loron Unpaz atinji no sistema akadémiku ensinu aprendisagem, peskiza & didikasaun komunitaria ne'ebé kontempla iha Kurikulum.

Iha fatin hanesan, Vise Reitor Asuntu Administrasaun Jeral i Finansas Sr. Caetano Carceres Correia , Lic-Eco., M.Ak., CMA., C.FR. haktuir kona-ba progresus dezenvolvimentu utilizasaun sistema online. Hanesan pagamentu Propinas iha Banku no arkiva nota pagamentu iha Administrasaun Jeral Finansas iha Universidade konverte ba sistema online nomós husu parte hotu buka adapta an tuir mudansa iha Sentrál nomós tuir mudansas tenknologia ohin loron ne'ebé dezenvolve an ba bebeik.

Aliende ne'e, Pro Reitor Asuntu Dezenvolvimentu Rekursu Humanu Sr. Carmo Antonio Pinto Baptista,S.Sos.,M.Si.
Haktuir kona-ba prosesu rekrutamentu Dosentes, Funsionarius i foka liu kona-ba Dixiplina no dezempenhu servisu hodi habo'ot Unpaz nia vizaun & misaun hodi servi povu no nasaun Timor-Leste tuir ema ida-idak nia kna'ar no kompetensia iha Unpaz ne'ebé mai ho lema Lideransa Maximu Magnifiku Reitor "REFORMA & KUALIDADDE".

Parte seluk, Reprezentante Unidade Administrasaun Akademiku Asuntu Estudantil Sr. Francisco Borges dos Santos,Lic.Csh,.M.AP. Aprezenta kona-ba Irarkia UAA-AE ne'ebé koazuba iha I Vise Reitor Akademika.

Funsaun UAA-AE maka;
1.Odamatan entrada hodi simu kandidatus estudantes foun
2.Fatin asesu Kartaun Planu Estudu (KPE) & Kartaun Rejultadu Estudu (KRE)
3.Fatin trata Kartaun Estudante & haraik lisensa Estudu
4.Odamatan saida hodi trata dokumentus kandidatu graduadus/as ate prosesu legalizasaun Diploma Lisensiatura iha MESSEC.

Entretantu partisipa iha Orientasaun ne'e, estudantes ne'ebé kompostu husi estudante Fakuldade 6 humutuk 137 pesoas no hetan akompañamemtu masimu husi Konseleru, Diretor,Estrutura Raeoa nomós Korpu Dosente sira.