![UNPAZ RAMU COVALIMA INSTALA ONA BIBLIOTEKA ONLINE HO LABORATORIUM](https://unpaz.tl/asset/foto_berita/4.png)
UNPAZ RAMU COVALIMA INSTALA ONA BIBLIOTEKA ONLINE HO LABORATORIUM
Dili-Universidade da Paz (UNPAZ) liuhusi ekipa nasional ne'ebé desloka ba Covalima, hahu ona halo instalasaun ba biblioteka online nomós lanoratorium ba prosesu aprendisajen, iha kampus ramu UNPAZ Munisipiu Covalima (10/08).
Vise Reitor Asuntu Akadémiku, Sr. Joaninho Xavier Hei Lic. CSH. M. Ed. Ne'ebé reprezenta Magnifiku Reitór, hateten ekipa desloka husi nasional, mai iha kampus ramu Covalima, atu halo instalasaun ba biblioteka online nomós laboratorium, nune'e bele melora liutan prosesu aprendisajen iha kampus sanak Covalima.
Nia hatutan, ita kopera ona ho kompaña telkomsel, sira sei fasilita kona-ba redi internet mai kampus sanak Covalima, atu nune'e estudante sira bele asesu biblioteka online.
“Ita iha tempu modernu/globalizasaun, ita prefere utiliza biblioteka online, asesu biblioteka online di'ak liu adapta tuir situasaun iha mundu aplika”,dehan Vise Reitór.
Nia reforsa, ita garante katak, estudante kampus sanak Covalima, sei bele asesu livru sira liuhusi online, tanba universidade kopera ho telkom university, sira fornese ita biblioteka online ba iha estudante UNPAZ liuhusi link ne'ebé iha.
Entretantu, ekipa deslokasaun ne'e, Vise Reitor Asuntu Akadémiku, Sr. Joaninho Xavier Hei Lic. CSH. M. Ed. Diretor IT ho Diretor Biblioteka, no hetan akompaña husi Kordenadór kampuz ramu UNPAZ Covalima nomós funsionariu sira.