UNPAZ RAMU COVALIMA HAMUTUK HO PARSEIRU ALFELA REALIZA TREINAMENTU BA ESTUDANTE SIRA

UNPAZ RAMU COVALIMA HAMUTUK HO PARSEIRU ALFELA REALIZA TREINAMENTU BA ESTUDANTE SIRA

Dili-Universidade da Paz, (UNPAZ) hamutuk ho parseiru ALFELA, hala'o atividades Treinanentu ho tema "ENKUADRAMENTU LEGAL, PREVENSAUN NO RESPONDE BA VIOLENCIA KONTRA FETO NO LABARIK NO ASESU BA SISTEMA JUSTISA FORMAL" Ba Estudante sira iha kampus UNPAZ Covalima (18/10).

Koperasaun servisu hamutuk ho Universidade da Paz, Objetivu husi treinamentu ida ne'e atu hasa'e koñesimentu Estudante sira nian kona-ba enkuadramentu legal, prevensaun no responde ba violensia kontra feto no labarik e oinsa asesu ba sistema justisa formal.

Iha atividade ida ne'e hetan mós partisipasaun masimu husi Direitur Kampus Covalima Sr.Silvester Ferreira, Lic.Eco.,MM. hamutuk Ekipa ba Treinamentu, kompostu husi Koordenador Prevensaun no advocasia, Sr.Antoninho Marques.Lic.Dir.

Fasilitador ba atividade treinamentu ida ne'e mak, Sr.Joao Manuel Fredericu.Lic.Dir. no Paralegal Municipio Covalima. Sra.Deolinda Cardoso.Lic.Dir.

Partisipa iha atividade treinamentu ida, kompostu husi Estudante Fakukdade Direitu, Ekonomia, Enjeñaria no Saúde Públika e Ciensia Medica. Iha Actividade ne'e Estudante sira Entusiasmu tebes hodi partisipa iha atividade refere durante loron ida tomak iha kampus Univerdade da PAZ, Covalima.