UNPAZ RAEOA REALIZA EAME FINAL TUIR KALENDARIU UNIVERSIDADE NIAN
Dili-Universidade da Paz (UNPAZ) Ligadu ho Kalendariu akademiku Universidade nian, ne’eduni UNPAZ Ramu Raeoa organiza ezame final ba estudantes semester impar liu-liu foku ba semester 1, nune'e atividades akademiku tomak bele akontese hanesan ho Unpaz sentral, (29/07).
Sr. Jaunario Colo,Lic.Csh, Informa molok estudantes sira partisipa ezame kada material, tenke priense aula dala 14 & Priense rekizitus propinas semester.
Nia hatutan, iha ezame final ne'e, hetan mós kontrolu direta husi Sr. Lorenco P.da Rosa,Lic.Fil.,MM, (Konseleru Unpaz Ramu Raeoa). Observasaun hatudu Estudantes sira ho antusiasmu teb-tebes partisipa iha ezame final ne’e.
Hare ba evolusaun & dezenvolvimentu UNPAZ Ramu Raeoa nafatin la'o tuir Polítika UNPAZ sentral & buka fo resposta ba Polítika estadu nian hodi Ensinu Superior besik liutan ba Povu kibi'it laek iha Munisipio liu-liu Povu Raeoa.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
