UNPAZ PARTISIPA IHA APREZENTASAUN REJULTADU ESTUDU KONA-BA RIKU SOIN TASI NIAN IHA ATAURO

UNPAZ PARTISIPA IHA APREZENTASAUN REJULTADU ESTUDU KONA-BA RIKU SOIN TASI NIAN IHA ATAURO

Dili-Universidade da Paz (UNPAZ) Magnifiku Reitór, Dr. Adolmando Soares Amaral, Lic.Eco.,MM. Hamutuk ho Vise Reitór Asuntu Akadémiku no Vise Reitór Administrasaun Jeral Finansas, nomós estudante sira husi UNPAZ, partisipa iha aprezentasaun rejultadu estudu ne'ebé Líder Karismátiku Kay-Rala Xanana Gusmão, ho ekipa halo kona-ba riku soin biodiversidade iha tasi laran, iha Suku Beloi, Administrasaun Munisipal de Atauro, (16/10).

Reitór UMPAZ hateten, ba timor labele ema ida mesak, tenki ema hotu, exemplu ne'ebé maun Xanana hatudu ba ita ho idade, agora tempu ba nia para atu deskansa, la'os nia nafatin hala'o atividade inventariza riku soin sira iha rai leten nomós rai okos, maibe nia kontinua ida ne'e, tanba nia hanoin nia povu no rai ida ne'e.

Nia hatutan, Ohin nia lori hotu dosente no estudante sira mai hamutuk iha fatin ida ne'e, atu hatudu kona-ba riku soin ne'ebé mak iha tasi nia okos, tanba iha mundu rejultadu peskiza hatudu, buat sira ne'e hotu la iha ona, maibe ita Timor-Leste buat sira ne’e hotu sei kompletu.

“Tanba ne'e buat ida kompletu ne'e, ita labele estraga, ba futuru ne'e jerasaun foun joven sira nia responsabilidade, ajuda no kompriende saida maka maun Xanana husik hela, aban bainrua sira sente katak, sira iha responsabilidade moral, sufisiente no naton ba povu no rai ida ne'e, tanba ne'e, ita hotu nia prejensa, atu aprende husi nia, no halo mós hanesan nia halo katak, kontribuisaun ba povu no rai ida ne'e, hahu husi ita joven to'o katuas ho nia mós ita halo nafatin”,dehan Reitór UNPAZ.

Entretantu, iha aprezentasaun rejultadu estudu ne'e, partisipa husi, Líder Karismátiku Kay-Rala Xanana Gusmão, ho ekipa, Magnifiku Reitór, Dr. Adolmando Soares Amaral, Lic.Eco.,MM. ho estrutura, autoridade lokal sira, dosente husi universidade sira hotu, Estudante husi, UNPAZ, UNTL, UNITAL, UNDIL, IOB no seluk tán, inklui inan aman joven sira iha Suku Beloi.