UNPAZ ORGANIZA ORIENTASAUN AKADEMIKU BA KANDIDATU ESTUDANTE FOUN NAIN 4717 TINAN 2025

UNPAZ ORGANIZA ORIENTASAUN AKADÉMIKU BA KANDIDATU ESTUDANTE FOUN NA’IN 4717 TINAN 2025

Dili-06 Marsu 2025 Universidade da Paz (UNPAZ) realiza orientasaun akadémiku tinan 2025 ba kandidatu estudante foun na’in Rihun Haat atus Hitu sanulu resin Hitu (4.717) ne’ebé kompostu husi fakuldade hitu ne’ebé eziste iha UNPAZ, ho tema “Responsabilidade Institusional Ba Kualidade Peskiza no Impaktu Dezenvolvimentu Rekursu Umanu”. Iha Salaun José Kasimiru.

Iha diskursu Magnífiku Reitór UNPAZ Dr. Adolmando Soeres Amaral, Lic. Eco.,MM. hateten estudante foun sira durante fulan tolu material ne’ebé atu apriende mak lian ingles, portuges no siénsia ba vida, ne’ebé sei fasilita husi instituisaun AHHA Education ne’ebé ita servisu hamutuk.

“Esperiensia ne’ebé imi hetan husi AHHA iha semester lima imi sei ba fali pratika parendizajen kampu ne’ebé imi sei habelar siénsia ne’e ba iha eskola sira iha teritoriu laran tomak, ho ida ne’e mak jerasaun foun bele kontinua nasaun ne’e ba oin”,dehan Reitór UNPAZ iha ambitu orientasaun estudante foun tinan 2025 nian.

Nia konta hahu husi imi ita komesa sura ona tanba iha semester V imi ba aplika siénsia ne’ebé imi hetan husi AHHA ba eskola sira iha teritoriu laran tomak no semester VII estájiu institusionais imi lori ba deskute ho sira ne’ebé iha sistema nia laran, ida ne’e mak ita bele dehan ema akadémiku.

Reitór esplika orientasaun ida ne’e, atu forma sira-nia karakter, oinsa sai lider no lideransa ne’ebé di’ak iha futuru, tanba ne’e ema ne’ebé di’ak iha rai ida ne’e, ami sei bolu sira mai fahe sira-nia esperiensia ba estudante sira. Ami halo ida ne’e atu prepara sira sai líder no lideransa ne’ebé di’ak iha futuru.

Iha parte seluk, Prezidente Konsellu Administrasaun Fundasaun Neon Metin, Eng. José Menez, M. Food.Tech. ho Vise Prezidente nomós komitiva tomak, fó mós palest aba estudante sira kona-ba “Responsabilidade no servisu Konsellu Administrasaun Fundasaun Neon Metin nian iha UNPAZ.

Entretantu iha palestra ba orientasaun ne’e, lídera husi Magnífiku Reitór UNPAZ Dr. Adolmando Soares Amaral, Lic. Eco.,MM. ho Gabinete Reitoria, unidade ne’ebé tutela, nomós partisipa masimu husi kandidatu estudante foun sira.