UNPAZ ORGANIZA MISA ABERTURA BA PAK IHA KAPELA RAEOA

UNPAZ ORGANIZA MISA ABERTURA BA PAK IHA KAPELA RAEOA

DIli-Universidade da Paz (UNPAZ) liu-husi estrutura universidade realiza misa abertura ba programa Prátika Atividade Kampu (PAK) nian iha Igreja Antigu Santo Antonio RAEOA, 20/02/24.

Preside misa husi Amu bigariu Florindo de Jesus, iha homelia subliña husi na'i lulik ne'e katak, ha'u husu ba alin estajiadu/a sira imi tenke esforsu imi nia ba imi nia estudu, atu nune bele susesu iha futuru oin mai, imi Koko atu esforsu imi nia a'n ba buat ne'ebé mak imi buka no presija pasti Maromak sei fó ba imi ida-idak, tanba Maromak mak matenek nia hun ba ita hotu.

Sorin seluk, Magnifiku Reitór UNPAZ, Dr. Adolmando Soares Amaral, Lic.Eco.,MM katak, ita ohin loraik ida ne'e ita organiza misa abertura ba estudante sira ne'ebé husi kampus sentral inklui mós kampus Ramu RAEOA, atu nunue ita husi na'i Maromak nia akompaña ita hotu iha fatin ida ne'e to'o ita nia atividade la'o ho susesu.

"Ha'u husu ba estudante sira hatudu imi nia maturnidade ne'ebé mak di'ak ba ita nia inan aman sira bainhira imi ba hala'o imi nia atividade Pratika Kampu iha terenu, ida ne'e mak ita inan no aman sira foin senti katak ita haruka ita nia oan sira ba aprende siensia sira fila mai hatudu fila fali ba ita ho hahalok ne'ebé mak disiplina tebes"tenik Reitór.

Pratisipa iha misa ne'e Magnifiku Reitór Universidade da Paz, Dr. Adolmando Soares Amaral, Lic.Eco.,MM, Senadu Universidade da Paz, inklui mós estudante PAK sira hotu.A