UNPAZ ORGANIZA KOMPETISAUN JOGU XADREZ HODI KOMEMORA LORON JUVENTUDE 12 DE NOVEMBRU

UNPAZ ORGANIZA KOMPETISAUN JOGU XADREZ HODI KOMEMORA LORON JUVENTUDE 12 DE NOVEMBRU

Dili-Universidade da Paz (UNPAZ) Organiza Atividade Peace Chess Campionship 2024 Hodi Komemora Loron Juventude Timor-Leste Ba Dala 33, iha Salaun José Kasimiru (10/11/24)

Magnífiku Reitór UNPAZ, Dr. Adolmando Soares Amaral, Lic. Eco.,MM. hateten, atleta sira labele haree ba valor husi komisaun atribui ba manan na'in sira, maibe importante mak atividade ne’ebé ita halo nia natureza eventual, maibe nia siénsia atu komemora loron 12 de Novembru ne’ebé sai historiku ba juventude ne’ebé iha tempu liubá investe ona tempu, enerjia no balu lakon vida, maibe sira kontente ho ita na'in hira ne’ebé hamutuk iha ne'e, hodi kontinua sira-nia mehi liuhusi atividade sira.

“UNPAZ iha responsabilidade moral atu hanoin hikas maluk hirak ne’ebé iha tempu ne’ebá investe sira-nia vida no ohin loron ita bele goja iha nasaun ida RDTL ita sura mós ho Sira, ita nafatin organiza atividade sira mesmu kiik, maibe nafatin fó ondra ba sira”,dehan Reitór UNPAZ.

Reitór salienta, atu sai manan ka la manan na'in, maibe atividade ida ne’e ita realiza, hodi fó ondra ba heroi sira liuliu sira ne’ebé iha 12 de Novembru ne’ebé investe tempu, enerjia no vida ba nasaun Timor-Leste. Tanba ne'e agradese ba imi na’in hira ne’ebé mai partispa eventu ida ne'e no kada tinan ita sei nafatin organiza atividade Xadrez.

Iha fatin hanesan, Pro-reitór Desportu no Arte Kultura UNPAZ, Sr. Julio da Silva Salsinha, Lic. CSH.,M.AP. hateten jogu xadrez ne’ebé organiza iha UNPAZ, hodi komemora loron nasional juventude 12 de Novembru ne’ebé ita nia juventude barak lakon vida iha tempu ne’ebá, tanba ne’e atividade ida ne’e, manan ita hotu manan, lakon ita hotu lakon, nune’e ita hotu sai na’in ba federasaun xadrez ne’ebé organiza iha UNPAZ.

Iha sorin seluk, Prezidente Komisaun, Pdt. Samuel C.Ribeiro, STH,M.AP (Kon S3). esplika atividade ida ne’e suporta husi Magnífiku Reitór nomós Fundasaun Neon Metin inklui kontribuisaun husi xadrista sira ne’ebé mai partisipa eventu ida ne’e, objetivu husi eventu ida ne’e, atu fahe informsasun kona-ba xadrez nia kualidade ba oin nomós kria amizade entre xadrista sira iha Timor-Leste, ba fututu ne’ebé di’ak ba federsaun xadrez nia ezistensia iha Timor-Leste no hahu mós husi UNPAZ.

Entretantu iha eventu ne’e, abertura direta husi, Magnífiku Reitór UNPAZ, Dr. Adolmando Soares Amaral, Lic. Eco.,MM. akompaña husi Pro-reitór Desportu no Arte Kultura UNPAZ. Ekipa Husi Federasaun jogu sadrez Timor-Leste, Inklui Atleta Sira.