UNPAZ NIA REITOR HO EKIPA CREU ONSHOOT SORUMUTU BA PREPARASAUN VIDEO BADAK ATIVIDADE IHA UNIVERSIDAD

#UNPAZ# 24 JUÑU 2021

UNPAZ NIA REITÓR HO EKIPA CREU ONSHOOT SORUMUTU BA PREPARASAUN VIDEO BADAK ATIVIDADE IHA UNIVERSIDADE

Dili-Universidade da Paz (UNPAZ), liuhusi Magnifiku Reitór hamutuk ho estrutura tomak, hala’o reuniaun ho ekipa CREU ONSHOOT ba preparasaun audio visual ba atividade hotu iha UNPAZ hodi priense rekizitu ANAAA ba iha akreditasaun, iha Salaun Pós-Graduasaun (24/06).

Magnifiku Reitór Universidade da Paz, Dr. Adolmando Soares Amaral, Lic, Eco. MM. hateten ami nafatin halo simulasaun ba preparasaun akreditasaun, tantu iha nivel Pós-Graduasaun, nomós nivel Lisensiatura, hanesan dokumentu sira ne’ebé haruka ona ba iha ANAAA ba tinan ida ne’e, Universidade da Paz, sei lori programa tolu iha Pós-Graduasaun ba akreditasaun ba Mestradu nian mak Siensia de Direitu, Saúde Públika, no Administrasaun Públika, ba Lisensiatura iha Fakuldade rua, Fakuldade Enjeñaria nia Departamentu Enjeñaria Sivil no Estudu da Paz no Seguransa husi Fakuldade Siensia Humana.

“Hanesan Reitór, nafatin fó hanoin ba estrutura sira liu-liu ba sira ne’ebé mak responsavel masimu ba iha akreditasaun ne’e, tenki prepara án, tanba ema atu mai halo evaluasaun ba saida mak ita aprezenta ona iha relatoriu”,dehan Reitór.

Atividade refere partesipa husi, Magnifiku Reitór Universidade da Paz, Dr. Adolmando Soares Amaral, Lic, Eco. MM. Prezidente Fundasaun Neon Metin, Pro-Reitór, Dekanu, Diretor Unidade sira, Dosente, Ekipa  CREU ONSHOOT, inklui Funsionariu sira.