UNPAZ NIA ESTUDANTE 174 HUSI FSP HALAO ESTUDU PRATIKA APRENDISAGEM IHA MUNISIPIU LIKISA

#UNPAZ# 05 AGUSTU 2021

UNPAZ NIA ESTUDANTE 174 HUSI FSP HALA’O ESTUDU PRATIKA APRENDISAGEM IHA MUNISIPIU LIKISA

Dili-Universidade da Paz (UNPAZ), nia estudante totál atus ida hitu nulu resin haat (174), husi Fakuldade Saúde públika hala’o estudu pratika aprendisagen iha terenu bá etapa primeiru nian iha Munisipiu Likisa.

Relasiona ho atividade refere, iha Salaun José Casimeiro UNPAZ (05/08) Magnifiku Reitór Universidade da Paz, Dr. Adolmando Soares Amaral, Lic, Eco. MM. hateten, agradese ba ita bo’ot sira nia apoiu tomak iha situasaun ida ne’ebé ita nia governu implementa estadu emergensia ho tempu  naruk, maibé ho ita bo’ot sira nia hamutuk ho estrutura ida ne’e, ita konsege halo buat balu ne’ebé tuir kbi’it ne’ebé iha.

"Iha tina rua mai tan ita bo’ot sira sei sai produtu ne’ebé povu Timor-Leste sei konsumu, liu-liu sira ne’ebé iha área Saúde Públika, enkoraja ita bo’ot sira nafatin iha esperitu vontade ne’ebé makas hodi halo  ba povu no rai ida ne’e, aban bairua atu sai ona antigus alunus, keta haluha ita bo’ot sira nia (Almamater), tenki sai lolo’os atan bá povu no rai ida ne’e",tenik Reitór.

Iha fatin hanesan, Dekanu Fakuldade Saúde Públika, Sr. Martinus Nahak Lino,A.MKI.,Lic.SP.,M.Ap, hatutan agora dadauk ita atu destaka bá iha Minisipiu Likisa, ida-idak proteze a’an rasik no prevene a’an, atu bele asegura hodi bele pratika ho susesu lori Universidade nia naran no Fakuldade servisu ho responsabilidade.

Atividade refere partesipa husi,  Magnifiku Reitór Universidade da Paz, Dr. Adolmando Soares Amaral, Lic, Eco. MM. Dekanu Fakuldade Saúde Públika, Sr. Martinus Nahak Lino,A.MKI.,Lic.SP.,M.Ap, Dosente, Funsionariu, inklui Estudante.