![UNPAZ NIA ESTUDANTE 143 HUSI FAKULDADE DIREITU ABERTURA BA PROGRAMA ESTAJIU PROFISINAL](https://unpaz.tl/asset/foto_berita/13a845c0-dc2b-4ac5-8756-9a1080868d13.jpg)
#UNPAZ# 05 JULLU 2021
UNPAZ NIA ESTUDANTE 143 HUSI FAKULDADE DIREITU ABERTURA BA PROGRAMA ESTÁJIU PROFISINÁL
Dili-Universidade da Paz (UNPAZ) liuhusi Fakuldae Direitu hala’o serimónia aberuta ba programa estájiu ba estudante atus ida, haat nulu resin tolu (143), ne’ebé atu hala’o ativiadde programa estájiu profisionál tinan Akadémiku 2021 nian, iha Salaun José Casimeiru (05/07).
Magnifiku Reitór Universidade da Paz, Dr. Adolmando Soares Amaral, Lic, Eco. MM. hateten imi 143 ne’ebé koloka ba iha suku sira, nomós organizasaun NGO balu , bai-bain ita atu termina ita nia estudu atu hetan titlu ida Lisensiadu de Direitu, ita tenki turi prosesu aprendisajen, depois ita mós tenki partesipa iha estájiu profisionál ikus mós iha estájiu sosiais.
“Imi 143 ne’ebé atu ba halo estajiu, nafatin hatudu ita bo’ot sira nia komportamentu ne’ebé di’ak iha fatin ne’ebé hala’o estájiu, hatudu imi nia kapasidade intelektual ne’ebé imi iha, ne’ebé mak ita bo’ot sira aprende durante ne’e, sei ajuda ami depois ami koa’lia ema iha sosiedade bele fiar katak Universidade da Paz iha kualidade duni”,dehan Reitór
Aliende ne’e, Dekanu Fakuldade Direitu, Sr. Leonito Rebeiro, SH.,MH.,Dir (Cand), hatutan estájiadu/a sira imi tenki hatudu imi nia komportamentu di’ak, servisu tuir orientadu hodi nune’e bele fó fiar nafatin ba imi nia alin sira tuir mai, estájiu ne’e ba primeiru etapa, sei iha segundu etapa ba sira ne’ebé seidauk rejista.
Partesita iha abertura ne’e, Magnifiku Reitór Universidade da Paz, Dr. Adolmando Soares Amaral, Lic, Eco. MM. Dekanu Fakuldade Direitu, Sr. Leonito Rebeiro, SH.,MH.,Dir (Cand), ho etsrtura tomak, Dekanu, Pro-Reitór, Dosente, Funsionariu, inklui estájiadu/a sira.