UNPAZ LOKE ABERTURA BA ANNUAL WORKSHOP TINAN AKADEMIKU 2023-2024 IHA COM.
Dili-Universidade da Paz (UNPAZ) liuhusi Fundasaun Neon Metin Universidade da Paz, loke abertura ba Workshop annual ba tinan Akadémiku 2023-2024, Munisipiu Lautem, Postu Lautem, Suco Com, abertura ne'e loke Vise Concello Administrasaun Fundasaun Neon Metin Eng. Hugo de Carballo, Arkitetura, atividade annual workshop ne'e realiza iha iha (Guest House Com) 22/19/23.
Magnífiku ReitórUNPAZ, Dr. Adolmando Soares Amaral, Lic.Eco.,MM, hateten familia bo'ot Universidade da Paz esforu ho ita nia tempu enerjia hodi halo viagen husi Dili mai to'o iha fatin ida ne'e, hodi kontinua diskute programa sira ba futuru Universidade nian.
Nia hatutan, ita sei aprezenta progresu servisu sira ne'ebé mak ita hala'o durante ita nia mandatu, atividade sira ne'ebé mak ita hala'o hahu kedan husi ita hotu simu pose mai to'o agora, progresu ne'ebé mak ita halo la'ós ema ida, la'ós Reitór, la'ós Dekanu, la'ós xefe Departamentu, no la'ós mós pro Reitór sira no Diretur Unidade sira, maibe progresu ne'ebé mak ita halo ne'e, ita hotu nia servisu hamutuk, apoiu mós husi komunidade sira.
"Hau hanoin orsida hahu husi ita nia mandatu to mai tinan ida ne'e, ba atividade hirak ne'ebe mak ita hala'o tinan oin mai ita sei halo aprazenta hotu ba iha Fundasaun tamba ita nia mandatu sei termina iha tinan oin, mais ba relatoriu annual kada tinan-tinan Universidade haruka ba Fundasaun, relatoriu Fakuldade mai Universidade ne'e mós la'o trimestral, semestral, no annual",dehan Reitór.
Partisipa iha Workshop Annual ne'e, estrutura Universidade, Fundasaun, Dekanu Fakuldade, Vise Reitor, Pro Reitor, Direktur Unidade sira, inklui mós Dosente sira hotu.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
