UNPAZ KOVALIMA HATOO LAMENTASAUN BA DESIZAUN EXMO SR. MINISTRO ENSINO SUPERIOR HASAI NOTIFIKASAUN HO

UNPAZ KOVALIMA HATO’O LAMENTASAUN BA DESIZAUN EXMO SR. MINISTRO ENSINO SUPERIOR HASAI NOTIFIKASAUN HODI HAPARA UNPAZ RAMU KOVALIMA

Lamentasaun Refre Hato’o Husi Estudante Unpaz Covalima Hakarak Kontinua Loke Unpaz Sanak Suai Tamba:

1. Agradese ba UNPAZ Dili tamba bele loke ona nia sanak mai too iha Munsípiu Covalima hodi bele hakman ami estudante no mós inan aman sira ninia finanseiru.

2. Estudante sekundaria sira ne’ebé eziste iha Covalima, ne’ebé remata estudu iha nivel sekundariu, sira mós bele kontinua sira nia estudu ba iha nivel unversidade ne’ebé mak eziste iha Munisípiu Covalima.

3. Agradese ba UNPAZ Dili tanba bele loke ona nia sanak iha Covalima ho kustu Administrativa hanesan mós ho kampus Sentral Dili.

4. Finalista sekundaria barak mak abandona sira nia estudu, tanba unversidade hotu sentraliza de’it iha kapital Dili. Tanba ne’e UNPAZ eziste iha Covalima, ami nu’udar Covalima oan Agradese tebes.

5. Agradese ba UNPAZ tanba bele fó mós biban ba funsionariu públiku sira ne’ebé mak ho bacround sekundaria de’it, sira mós bele hetan oportunidade hodi kontinua sira nia estudu ba nivel universidade hodi hetan abilidade.

6. Inan-aman no komunidade em jeral, sira mós apresia tebes ho Universidade da Paz nia ezistensia iha Covalima, tanba bele hamenus ona osan hodi selu kos, sae bemo ba-mai, selu be’e, eletricidade, nst.

7. Hosi parte Autoridade sira mós apresia ba universidade da paz nia presensa tamba bele prepara mós rekursu humano hodi responde ba planu governu nian husi tinan 2015-2030 ba Desentralizasaun Munisípal.

8. Munisípiu Covalima iha postu 7 no Suco 30 hakarak tebes universidade tenke eziste iha ami nia Munisípiu. Tanba finalista sekundaria barak tebes mak abondona sira nia estudu, hafoin remata ensinu Sekundaria. Ho presensa UNPAZ Ramu Covalima bele responde ona estudante sira preokupasaun, ne’ebé mak hakarak kontinua sira nia estudu ba nivel ensinu superior (Universidade).

9. Ami Covalima la aceita ho desizaun ne’ebé mak Sua exc. Ministro Ensino Superior Sr. Longuinos dos Santos públika sai iha media katak atu taka kampus Unpaz Ramu Covalima. Dala ida tan ami la aseita ho desizaun atu taka kampus Ramu Covalima.

10. Koalia kona-ba dezenvolvimentu keta haluha edukasaun, tanba edukasaun mak xave ba dezenvolvimetu.

11. Ikus liu ami husu ba ministeriu ensinu superior, labele taka dalan ba Timor Oan ida atu aprende. Labele husik hela Timor Oan ida iha kotuk. Tamba ne’e ami estudante hakarak eskola.