UNPAZ KONTINUA ORGANIZA SERIMONIA GRADUSAUN BA LORON DARUAK NIAN

UNPAZ KONTINUA ORGANIZA SERIMÓNIA GRADUSAUN BA LORON DARUAK NIAN

Dili-Universidade da Paz (UNPAZ) hala’o serimónia graduasaun ba loron daruk, ne’ebé kompostu husi Fakuldade tolu, Fakuldade Direitu ho total atus tolu lima (305), Saúde Públika e Ciénsia Medica, atus tolu sianulu (390) no Fakuldade Enjeñaria atus rua haatnulu (240) total graduadu/a ba loron daruak nian hamutuk atus sia tolunulu resin lima (935) no total graduadu tinan akadémiku 2024 nian hamutuk, rihun ida atus hitu haatnulu resin ualu (1748) ho tema “Improving The Quality of Research” Iha Salun José Kasimiru (21/12/24).

Iha diskursu Prezidente Konsellu Administrasaun FNM. Eng. José Menezes, M.FoodTech, hato’o agradese no obrigau ba inan aman no familia hotu nia kontribuisaun nomós manorin na’in sira hotu nia dedikasaun, ohin loron imi bele finaliza estudu iha universidade da paz, tanba ne’e imi tenki agradese ba sira hotu liha ema ida sussu mesak, maibe liuhusi ema lubun ida nia kontribuisaun maka bele hetan susesu. Tanba ne’e importante tebes ba imi tenki rekoñese kontribuisaun hotu.

Iha fatin hanesan, Magnífiku Reitór UNPAZ, Dr. Adolmando Soares Amaral, Lic. Eco.,MM. hateten gaduadu sira, tenki dumina imi nia aan maka imi bele halo buat ruma iha familia, ambinete nomós baiha alideia, suku inklui sosiedade, sé imi organiza aan labele no halo jestaun ba tempu ba ita nia aan mós labele, ida ne’e susar tebes ba imi atu halo buat ruma ba povu no rai ida ne’e iha tempu sira tuir mai.

“Imi labele halo sosiedade duvida ho ita nia kualidade, maka ita tenki hatene oinsa ita bele lori ita nia aan iha situasaun saida de’it, imi tenki matenek ba jestaun tempu, maka imi bele garante kapasidade no imi iha kualidade, nune’e imi fila ba sosiedade imi sei organiza ho di’ak, tanba imi bele organiza imi nia aan maka imi bele organiza sira, sé imi seidauk bele organiza imi nia aan maka imi mais nunka organiza sosiedade/povu iha rai ida ne’e, enkuantu rekursu ne’ebé ho kualidade maka ko’alia, hakilar, maibe fó alternativa ka solusaun, tanba ne’e husu ba imi tenki sai ema ne’ebé kritiku”,dehan Reitór UNPAZ.

Reitór husu ba graduadu sira labele tauk banhira imi hetan pozisaun ruma governu ka iha fatin ne’ebé de’it, imi tenki haree posizasun ne’e ho responsabilidade, labele haree pozisaun ne’e hanesan oprtunidade, tanba ne’e imi ne’ebé ohin gradua no sira horseik nian, sé imi servisu iha instituisaun públiku no privadu sira, maka husu ba imi pozisaun ne’e tau iha bolsu, labele atu iha fuan, nune’e ema seluk foti husi bolsu imi bele buat seluk, sé imi tau iha fuan maka ema foti imi bele struk sedu.

Partispa iha Serimónia graduasaun ba loron dahuluk ne’e, Partisipa husi Prezidente Konsellu Administrasaun FNM. Ho esteutura. Magnífiku Reitór UNPAZ, Dr. Adolmando Soares Amaral, Lic. Eco ,MM. Ho esteutura Senadu Universidade no Fakuldade Sira ne’ebé kompostu husi, Vise Reitóres Sira, Dekanu Fakuldade Hitu ho Estrutura Fakuldade nian, Konsellu Dotores sira, Diretor no Xefe Unidade Sira, Dosente, Funsionariu, Inan aman familia graduadu sira nian, Sivitas Akadémiku Universidade da Paz.