UNPAZ HUSU MISA AGRADESIMENTU MOLOK HAKAT BA ORIENTASAUN

#UNPAZ# 21 FEVEREIRU 2021

UNPAZ HUSU MISA AGRADESIMENTU MOLOK HAKAT BA ORIENTASAUN

Dili-Universidade da Paz (UNPAZ) hamutuk ho sivitas Akadémiku tomak, husu misa agradesimentu molok hakat ba orientasaun Estudante foun sira, tinan Akadémiku 2021 nian, iha salaun Jose Casimeiro (21/02).

Liuhusi misa agradesimentu ne’e, Padre Jose Tacae, iha nia omilia hateten, selebrasaun ohin kona-ba evanjelu São Marcos, reflete fila fali Jesus nia lia-fuan di’ak, imi hakribi imi salan ba hodi fiar lia foun di’ak, tempu kuaresma no versaun, ema ida idak hanoin atu komverte nia án, husi São Marcos fó hanoin ba ema rona liafuan di’ak ne’e husu atu hakribi sala, no atitude nune’e ita kuda buat di’ak iha ita nia laran no fuan hodi aprende.

‘’Ita hanesan familia bo’ot ida iha Universidade da Paz, hahu loke odamatan ba estudante foun hodi hakat ba pasu primeru, tanba ne’e liafuan ita rona iha evanjelu ohin fó hanoin ba ita atu hakribi sala hodi fiar, atu ita aprede kona-ba lia fuan di’ak’’, dehan Padre Jose.

Parte seluk, Magnifiku Reitór Universidade da Paz, Dr. Adolmando Soares Amaral, Lic Eco. MM. lori sivitas Akadémiku tomak Universidade da Paz nia naran hato’o parabens no agradese ba ita boot sira nia desizaun hodi afirma ita boot sira nia pozisaun mai iha Universidade da Paz,

‘’Hau hamrik iha ne’e tanba hau horseik, no ita bo’ot sira tur iha ne’ebá tanba foin ohin, se ita hotu-hotu horseik hau fiar katak ita bo’ot sira la tur iha ne’ebá, no hau mós la hamrik iha ne’e”, dehan Reitór.

Nia hatutan, Maske iha situasaun ida agora Timor-Leste infrenta hela, maibe ita bo’ot sira bele afirma ita bo’ot sira nia pozisaun hodi diside atu aprnde siénsia no teknologia katak, fatin mak Universidade da Paz’’dehan Reiór.