UNPAZ HUSU MISA AGRADESIMENTU IHA ESTASAUN KAPELA MARIA DE AUSILADORA DO ROSARIO COM

UNPAZ HUSU MISA AGRADESIMENTU IHA ESTASAUN KAPELA MARIA DE AUSILADORA DO ROSARIO COM

Dili-Universidade da Paz (UNPAZ) liuhusi Estrutura Universidade da Paz, no Estrutura Fundasaun Neon Metin, Korpu Dosente sira, inklui mós Diretur sira, husu misa agradesimentu molok atu hahu atividade ba workshop anual tinan 2023 nian, preside misa husi Amu Pascual, iha Estasaun Kapela Maria Ausiladora do Rosario Com (22/10/23)

Amu Pascual, Parco Com, dehan ohin prezensa UNPAZ nian iha Kapela Com, ami ho sarani sira iha Kapela Maria Ausiladora do Rosario Com sente orgullu tebes, ha'u hanoin UNPAZ sei hatudu ezemplu di'ak ba instituisaun sira seluk nu'udar sarani katolika nian.

Ohin iha segundu leitura hateten, Maromak nian, Maromak nian, Sezar nian, Sezar nian, wituan ka barak, ida ne'e mak ohin maluk sira husi Universidade da Paz hatudu ba ita sarani sira hotu iha Kapela Com.

Iha fatin hanesan, Magnifiku Reitór UNPAZ, Dr. Adolmando Soares Amaral, Lic.Eco.,MM, ohin ami familia bo'ot UNPAZ nia prezensa iha Com, ami atu diskute ami nia workshop annual ba tinan Akadémiku 2023-2024 nian, durante loron tolu iha ne'e.

"Ohin ami ho Fundasaun, halo diskusaun wituan kona-ba premetru Kapela nian para ami familia bo'ot UNPAZ iha responsabilidade moral bele ajuda tau keramik iha Kapela laran liur, nomós halo instalasaun, ajuda tan komputador ba kartoriu Amu nian para ajuda amu bele halo nia atividade ho di'ak liu tan",dehan Reitór.

Ami mos sei ajuda tan buat balun ne'ebé mak ami iha hanesan grupu dansa kultural nian, ba buat ne'e ami ajuda tuir ami nia kb'it ne'ebé mak ami iha, tanba ami nia rendimentu ne'e hein los de'it ba estudante sira ne'ebé mak inan aman sira haruka mai eskola iha UNPAZ, hanesan ohin Amu Parco hateten sarani mak estadu, estadu mak sarani, ami UNPAZ nian katak UNPAZ mak Povu, Povu mak UNPAZ.