UNPAZ HUSU MISA AGRADESEMENTU MOLOK SELEBRA DIES NATALIS

#UNPAZ# 08 MARSU 2021

UNPAZ HUSU MISA AGRADESEMENTU MOLOK SELEBRA DIES NATALIS

Dili-Universidade da Paz (UNPAZ), liuhusi estrutura Universidade hamutuk ho sivitas akadémika tomak, husu misa agradesementu ba selebrasaun loron dies natalis UNPAZ, ba dala XVII, iha Salaun Jose Casimeiro (08/03).

Iha misa agradesementu ne’e, Padre José Tacae, iha omilia hateten ita rona tiha liafuan hirak ne’e, primeiru misionarius, segundu misau, terseiru espiritu misau, husi liafuan tolu ne’e ida-idak ho nia signikativu, koalia kona-ba misionarius ema ne’ebé sai husi fatin ida lori espiritu hodi haklaken liafuan maromak ba ema seluk, misaun katak knár ne’ebé atu fahe no hala’o iha fatin ida, no terseiru nian, oinsa knár misau ne’e ema bele hatene husi misionarius sira.

“Husi liafuan tolu ne’e, ita sei haklaken no aprofunda liu tan hodi reflete hamutuk iha ita nia selebrasaun ohin, ligadu ho ita nia festa dies natalis ne’ebé ita sei selebra, ho ita nia tema UNPAZ ba futuru hodi halo reformasaun no kualidade, espiritu misonariu bolu dosente sira hotu hanesan mesajeiru, atu mai fahe maromak nia liafuan sira ba ema hotu-hotu ne’ebé ho hanoin di’ak hodi disidi mai iha Universidade da Paz”,dehan Padre Jose.

Aliende ne’e, Magnifiku Reitór Universidade da Paz, Dr. Adolmando Soares Amaral, Lic, Eco. MM. hateten, ita hamutuk ho Fundador husi Fundasaun Neon Metin, ne’ebé sempre enkoraja estrutura Universidade da Paz hodi organiza ita, ohin loron UNPAZ iha faze ida hanesan ne’e, hau fiar katak ita bo’ot sira nia tempu tuir mai bele organiza UNPAZ di’ak liu no koinesidu iha Timor no mundu internasinál.

“Agradese ba dosente sira hotu, tantu iha Universidade Fakuldade no Programa do Estudu, inklui Funsionariu sira hotu, no agradese ba membru Fundasaun Neon Metin, ne’ebé sempre enkoraja estrutura Universidade ida ne’e, para atu servisu ho responsabilidade no transparensia”,dehan Reitór.