UNPAZ HUSU MATAK MALIN BA IHA NOSA SINORA NAIN FETO FATUBESI

#UNPAZ# 06 MARSU 2021

UNPAZ HUSU MATAK MALIN BA IHA NOSA SINORA NAIN FETO FATUBESI

Dili-Universidade da Paz(UNPAZ), liuhusi estrutura Universidade haha’o atividade peregrinasaun ba iha Nain Feto Fatubesi hodi husu matak malirin molok selebra loron Dies Natilis, no objetivu husi peregrinasaun ne’e mak, atu hasa’e orasaun ba Nosa Sinora Fatubesi hodi husu matak malirin, forsa no kbi’it, atu bele jere atividade Universidade da Paz la’o di’ak, iha Santuariu Nain Feto Fatubesi (06/03).

Magnifiku Reitór Universidade da Paz, Dr. Adolmando Soares Amaral, Lic, Eco. MM. hateten peregrinasaun ida ohin husi atividade komemorasaun loron Dies Natalis Universidade da Paz, ba dala XVIII, ho nune’e Universidade da Paz, hahu ho atividade primeiru mak peregrinasaun ba iha Nosa Sinora Fatubesi.

“Tinan-tinan ita sempre halo atividade peregrinasaun, baihira ita atu komemora loron Dies Natilis Universidade da Paz, ita ba iha Nain Feto Ramelau, Nain Feto Aitarak, no tinan ida ne’e ezistensia Universidade da Paz ba tinan XVIII, maka atividade primeiru ita halo peregrinasaun iha Nosa Sinora Fatubesi”,dehan Reitór.

Atividade refere partesipa husi, Magnifiku Reitór Universidade da Paz, Dr. Adolmando Soares Amaral, Lic, Eco. MM. Pro Reitór sira, Dekanu Fakuldade Neen, Diretor Unidade sira, Xefe Departamentu, Korpus Dosente Inklui Funsinariu iha Universidade da Paz.