UNPAZ HO WARMA DEWA BALI INDONESIA ASINA NOTA ENTENDIMENTU

UNPAZ HO WARMA DEWA BALI INDONESIA ASINA NOTA ENTENDIMENTU

Dili-Universidade da Paz (UNPAZ) realiza serimonia asina nota entendimentu entre UNPAZ ho Universidade Warma Dewa Bali Indonesia, hodi servisu hamutuk iha área infraestrutura nian, nomós kapasita dosente sira ba iha programa lisensiatura no mestradu, iha office Reitoradu (30/03). Magnifiku Reitór Universidade da Paz, Dr. Adolmando Soares Amaral, Lic. Eco.,MM. hateten kooperasaun entre UNPAZ ho Warma Dewa ne’e antes ona, ohin prejensa sira nia ekipa ida mai kompostu husi Prodik ba programa Mestradu nian nomós Dekanu Fakuldade Enjeñaria, Warma Dewa ho funsionariu sira, mai hamutuk ho UNPAZ liu-liu Fakuldade Enjeñaria atu halo peskiza hamutuk. “Peskiza ida ne’e peskiza internasional, tanba entre nasaun rua mak, Indonesia reprezenta husi Warma Dewa no Timor-Leste reprezenta husi Universidade da Paz, peskiza ida ne’e haree liu ba iha área teknika nian, liu-liu ba iha Fakuldade Enjeñaria, depois de nia rejultadu sei halo públisidade iha jornal internasional hamutuk ho Warma Dewa”,dehan Reitór Unpaz. Sorin seluk, Dekanu Fakuldade Enjeñaria, Sr. José Manuel Maniquin, Lic.Eng.,M.Eng. hatutan ohin ita asina MoU entre UNPAZ ho Universidade Warma Dewa, teknikamente ba iha MoA liu-liu ba iha Fakuldade Enjeñaria UNPAZ ho Fakuldade Enjeñaria Warma Dewa Bali. Nia hatutan, asuntu ne’ebé sita iha MoA ne’e, oinsa ita halo kapasitasaun dosente husi lisensiatura ba iha mestradu, hodi responde ba prosesu aprendiasajen ne’ebé ita sei ko’alia online entre ita ho sira, ita nia dosente mós bele ba iha ne’eba, sira nian mós bele mai iha ita nian, ida seluk mak peskiza hamutuk iha área infraestrutura nian. “Agradese tanba ita bele servisu hamutuk, liuhusi kooperasaun entre UNPAZ ho Warma Dewa Bali, atu nune’e ita kapasita ita nia dosente sira liga ho ida-idak nia área”,tenik Dekanu Fakuldade Enjeñaria, Sr. José. Dekanu saliente, peskiza ida ne’e sei hala’o iha Kristu Rei, ne’ebé ekipa survei ona, liu-liu ba iha área infraestrutua nian ne’ebé haree uluk ba iha área turizmu nian, depois de nia rejultadu hafoin halo públisidade ba iha UNPAZ liu-liu Fakuldade Enjeñaria no Fakuldade Enjeñaria Warma Dewa. Aliende ne’e, Vice Reitór Assuntu Intena no Externa Sr. Luis Pereira Cardoso, Dip.Cs.,Lic. CSH.,MA.,Mcs, reforsa ohin eventu importante ida ba UNPAZ, ita konsege asina nota entendimentu ho Universidade Warma Dewa Bali, ne’ebé sira hakarak kooperasaun hamutuk ho ita. Nia esklarese, prosesu ne’e hahú desde tinan kotuk, maibe lakonsege tanba situasaun covid, tanba ne’e mak ohin ita foin asina nota entendimentu hodi hala’o peskiza hamutuk iha kristu Rei, liu-liu ba iha turizmu nian. “Iha oportunidade ne’ebé tuir mai, tanba ita halo ona akordu katak, ita sei haruka ita nia dosente ba iha Warma Dewa, atu kontinua sira nia estudu iha nível doutoramentu nian”,Subliña Vice Reitór Assuntu Intena no Externa Sr. Luis. Hafoin remata eventu. Partisipa eventu refere, Magnifiku Reitór Universidade da Paz, Dr. Adolmando Soares Amaral, Lic. Eco.,MM. Dekanu Fakuldade Enjeñaria, Sr. José Manuel Maniquin, Lic.Eng.,M.Eng. ho Estrutura sira, nomós ekipa husi Universidade Warma Dewa Bali Indonesia, Vice Reitór Assuntu Intena no Externa Sr. Luis Pereira Cardoso, Dip.Cs.,Lic. CSH.,MA.,Mcs.