UNPAZ HO UNIVERSITAS NUSA CENDANA KUPANG SELEBRA NOTA KOOPERASUN

UNPAZ HO UNIVERSITAS NUSA CENDANA KUPANG SELEBRA NOTA KOOPERASUN

Dili-Universidade da Paz (UNPAZ) liuhusi Fakuldade Saúde Públika UNPAZ ho Fakuldade Saúde Públika Nusa Cendana KupanG, selebra nota entendimentu, atu hala’o servisu hamutuk iha futuru, iha Aula Prof. Dr. Lucas da Costa (15/10).

Dekanu FCSH, Dr. Fernando Dias Gusmão. A. MD. S. IP. M. AP. ne’ebé reprezenta Magnifiku Reitór UNPAZ, hateten kooperasaun ne’e, atu estabelese kuadru legal, oinsa Fakuldade Saúde Públika UNPAZ ho Fakuldade Saúde Públika Undana Kupang, atu bele hala’o peskiza hamutuk, liuliu peskiza iha fronteira kona-ba moras sira, seluk mós bele haruka ita nia dosente sira ba kontinua estudu iha Kupang

“Dosente ne’ebé iha nivel Mestradu ka Doutoramentu bele ba hanorin mós iha Kupang, no dosente husi Kupang mós bele mai hanorin iha ne’e, tanba iha polítika ida katak, sé ita simu sira nia ema iha ne’e, sira mós tenki simu ita nia ema iha ne’eba”dehan Dekanu FCSH, Dr. Fernando.

Nia hatutan, asina kooperasun ida ohin ne’e, atu kontinua de’it, kooperasaun ne’ebé Magnifiku Reiór, asina ona ho Reitór Undana Kupang, iha fulan kotuk, asina ona memorandu, tanba ne’e mak asina kooperasaun ida ohin ne’e, atu kontinua implementasaun ba programa ne’ebé mak universidade rua hala’o ona.

Dekanu Fakuldade Saúde Públika, UNPAZ, Sr. Martinus Nahak Lino, AMKL, Lic. Sp. M. AP. salineta kooperasun ida ne’e atu habelar Fakuldade rua iha Universidade rua ne’e, ida ne’e hanesan kontinuasaun ne’ebé uluk UNPAZ ba iha Kupang no agora sira mai iha ne’e.

“Servisu hamutuk ne’e, atu haree kona-ba públikasaun Jornal entre ita ho sira, seluk mak haree kona-ba peskiza hamutuk, no troka estudante sira nian bele mai eskola iha ne’e, no ita nian bele ba eskola iha ne’eba”,tenik Dekanu FSP, Sr. Martinus.

Entretantu iha serimónia asina nota entendimentu ne’e, asina direta husi Dekanu Fakuldade Saúde Públika, Sr. Martinus Nahak Lino, AMKL, Lic. Sp. M. AP. ho Dekanu Fakuldade Saúde Públika Universitas, Nusa Cendana Kupang, Prof. Dr. Apris A Adu. Apt.,M.Kes. akompaña husi Estrutura husi Undana nomós UNPAZ, inklui dosente, Funsionariu nomós Estudante sira.