UNPAZ HO UNIVERSITAS NEGERI YOGYAKARTA SELEBRA NOTA KOOPERASAUN

UNPAZ HO UNIVERSITAS NEGERI YOGYAKARTA SELEBRA NOTA KOOPERASAUN

Dili-Universidade da Paz (UNPAZ) nia Magnifiku Reitór, Dr. Adolmando Soares Amaral, Lic.Eco.,MM. ho Wakil Rektór, Prof. Dr. Margana, M.Hum.,M.A, husi Universitas Negeri Yogyakarta-Indoensia, asina Memorandum of Understanding (MoU) hodi servisu hamutuk iha futuru, iha Aula Prof.Dr. Lucas da Costa (11/04).

Iha fatin hanesan, Magnifiku Reitór, Universidade da Paz, Dr. Adolmando Soares Amaral, Lic.Eco.,MM. hatete ita nafatin organiza an, agora ba oin UNPAZ hanoin ona katak, ita sai husi prosesu aprendisagen, ita ba ona peskiza no husi peskiza ita ba ona emprendedorismu, para atu kompletu husi prosesu sira ne’e hotu, mak ita halo koopersaun ho parseiru sira iha rai liur.

Nia hatutan, iha fulan kotuk ita iha Balik Papan Kalimantan Timur, ita asina nota entendimentu hamutuk 22 ho universidade akademia no institutu iha Kalimantan Timur. Ohin ita hetan vizita ida ne’ebé fasilita husi embaixada Indonesia iha Timor lori tán Universitas Negri Yogyakarta-Indoensia mai ita halo kooperasaun.

“Husi kooperasaun ne’e sira sei oferese bolsa ba ita nia estudante, dosente, sira mós hakarak Púbklika Jurnal Internasionál hamutuk ho ita, Peskiza hamutuk, Seminariu, sira nia dosente sira mós sei apoiu ita iha ne’e, ita nia dosente sira mós sei ba apoiu materia iha sira nian”,dehan Reitór.

Entretantu partisipa iha serimónia asina nota entendimentu ne’e, Magnifiku Reitór, Universidade da Paz, Dr. Adolmando Soares Amaral, Lic.Eco.,MM. Wakil Rektor, Universitas Negeri Yogyakarta-Indoensia Prof. Dr. Margana, M.Hum.,M.A, ho Ekipa. Estrutura Universidade da Paz ne’ebé kompostu husi Vise Reitres sira, Dekanu, Xefe Departamentu sira, Diretór/a Unidade sira inklui Funsionariu sira.