UNPAZ HO UNIVERSITAS KRISTEN SELEBRA NOTA KOOPERASAUN

UNPAZ HO UNIVERSITAS KRISTEN SELEBRA NOTA KOOPERASAUN

Dili-Universidade da Paz (UNPAZ) realiza Serimónia Memorandum of Understanding (MoU) entre UNPAZ ho Universitas Kristen-Indoensia, ne’ebé asina husi reprezentante Reitór UNPAZ, Vise-Reitór Assuntu Akadémiku, Sr. Joaninho Savier Hei, Lic. CSH.,M. Ed. ho reprezentante Rector Universitas Kristen-Indoensia, Angela Asri Purnamasari, M.TESOL, iha Aula Prof. Dr. Lucas da Costa (12/06/23).

Vise-Reitór Asuntu Akadémiku, Sr. Joaninho Savier Hei, Lic. CSH.,M. Ed. hateten ohin loron ita asina MoU ho Universitas Kristen-Indonesia ho UNPAZ, tuir lolo’os ne’e ita hala’o asina kooperasaun ne’e iha 2020 , maibé tanba Covid, ho ida ne’e mak muda fali ba loron ohin, ita foin asina hamutuk entre universidade rua ne’e.

“Kooperasaun ne’e ita hala’o iha programa lubuk ida mak atu implementa, hanesan estudu komparativu, estudante sira bele mós foti semester balun iha ne’e no balu iha Universitas Kristen-Indoensia, depois de remata estudu sira bele hetan sertifikadu rua, ida husi Universidade da Paz, ida husi Universitas Kristen-Indonesia, Programa ne’e implementa, estudante sira sei kontinua sira nia estudu durante tinan rua iha UNPAZ no tinan rua iha Universitas Kristen-Indonesia, ho ida ne’e ohin ita hahú MoU no faze tuir sei iha MoA, hodi implementa ona programa ida ne’e”, dehan Vise Reitór Assunto Akadémiku Sr. Joaninho

Iha fatin hanesan, Reprezentante Rector Universitas Kristen-Indoensia, Angela Asri Purnamasari, M.TESOL, katak ita asina nota de kooperasaun entre UNPAZ ho Universitas Kristen, ne’e iha pilar 3 maka importante tebes maka hanesan (Edukasaun, Peskija, no Servisu Komunitáriu

“Iha ita nia servisu hamutuk ne’e , implementa peskija hamutuk, hala’o estudu viabilidade hamutuk, bele mós programa seluk maka, hanesan estudu komparativu entre estudante Univrsitas Kristen ho Universidade da Paz iha futuru, nomós estudante husi Universidade da Paz ba Universitas Kristen-Indonesia, inklui mós dosente sira”,tenik Wakil Rector Universitas Kristen-Indoensia Asri.

Nia salienta, ita mós sei hala’o peskija hamutuk iha materia sira ne’ebé mak ita presija, iha ita nia MoU ne’e, mensiona mós iha laran katak, ohin ita asina ona MoU, iha tempu tuir mai ita sei kontinua ba MoA, para ita bele haruka estudante husi Universitas Kristen mai kontinua tinan rua iha Universidade da Paz, UNPAZ mós hanesan hotu, ba programa hirak ne’ebé mak iha, atu inplementa iha tempu tuir mai iha parte Lisensiatura nian.

Entretantu serimónia asina Nota Kooperasaun ne’e, partisipa husi Vise Reitór Assuntu Akadémiku, Sr. Joaninho Savier Hei, Lic. CSH.,M. Ed. Reprezentante Rector Universitas Kristen-Indoensia, Angela Asri Purnamasari, M.TESOL. ho ekipa. Estrutura tomak Universidade da Paz, ne’ebé kompostu huis Vise-Reitores sira, Dekanu Fakuldade 6, Xefe Departamentu sira, Diretór/a Unidade sira inklui Dosente nomós Funsionariu sira.