UNPAZ HO UNDANA SELEBRA AKORDU IHA ÁREA PESKIZA
Dili-Universidade da Paz (UNPAZ) hala’o serimónia asinatura nota entendimentu entre UNPAZ ho Undana Kupang, hodi servisu hamutuk iha área peskiza nian, iha Aula Prof. Dr. Lucas da Costa (08/10/24).
Dekanu FCSH, Dr. Fernando Dias Gusmão, A. Md.S.IP.,M.AP. hateten ohin ita asina agreement ho Undana Kupang ba implementasaun nian, akordu ho universidade Nusa Cendana Kupang ho UNPAZ, asina iha 22 de Jullu 2022, agora iha nia implementasaun ne’e mak sira husi Undana Kupang mós husu para atu asina akordu implementasaun.
“Akordu implementasaun ne’e foka liu ba peskia hamutuk iha área fronteira Timor-Leste ho Indonesia nomós Community Service no programa seluk ida mak edukasaun kona-ba hanorin nian ne’ebé la’o kleur ona, dosente husi UNDANA Kupang mai hanorin estudante sira iha UNPAZ no ita nia dosente husi UNPAZ mós iha oportunidade ba sai dosente tamu iha Undana Kupang”,dehan Dekanu FCSH.
Dekanu dehan, atividade sira ne’e mak ita sei hala’o iha futuru oin mai, tanba horseik iha diskusaun hamutuk entre ekipa husi UNDANA ho UNPAZ, identifika programa barak tebes iha área oi-oin iha fronteira ne’ebé ita sei servisu hamutuk hodi identifika.
Entretantu iha atividade asina akordu ne’e, partisipa husi Magnífiku Reitór UNPAZ, Dr. Adolmando Soares Amaral, Lic. Eco.,MM. Bainaka sira husi Unadana Kupang, Vise Reitór Asuntu Mestradu no Doutoramentu, Vise Reitor Asuntu Administasaun Geral e Finansas, Dekanu Fakuldade Siensia Sosiais Humana, Xefe Departamentu Administrasaun Públika.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
