UNPAZ HO UNDANA KONTINUA DESKUTE AKORDU SERVISU HAMUTUK IHA AREA PESKIZA

UNPAZ HO UNDANA KONTINUA DESKUTE AKORDU SERVISU HAMUTUK IHA ÁREA PESKIZA

Dili-Universidade da Paz (UNPAZ) nia Vise Reitór Asuntu Mestradu no Doutoramentu, hamutuk ho Dekanu Fakuldade Siensia Sosiais Humana no akompaña husi Xefe Departamentu Administrasaun Públika, simu bainaka espesial husi Undana Kupang, iha Aula Prof. Dr. Lucas da Costa (07/10/24) objetivu husi bainaka sira-nia prezensa hodi deskute kona-ba kontinuasaun asina akordu ba servisu hamtuk iha área peskiza nian.

Vise Reitór Asuntu Mestradu no Doutoramentu, Dr. Martinus Nahak Lino, AMKL, Lic. SP.,MAP.,M.SP. hateten ohin ita simu bainaka husi UNDANA ne’ebé mai iha UNPAZ, hodi deskute kona-ba kooperasaun nian, tanba UNPAZ ho UNDANA kooperasaun ne’ebé ita hala’o antes ona, maibe agora atu asina kontinuasun servisu hamutuk, tanba ne’e mak iha sira-nia prezensa ida ne’e, atu haree fila fali akordu ne’e no aban sei selebra hamutuk.

Nia hatutan, pontus ne’ebé iha nota selebrasaun ne’e mak, oinsa foka ba iha área edukasaun, peskiza no servisu sosiais sira, husi komponente tolu ne’e mak sei hala’o, maibe antes UNPAZ ho UNDANA husi parte edukasaun nia hala’o ona liu-liu iha programa mestradu no doutoramentu iha adimistrasaun públika nian, ne’ebé dosente sira husi UNDANA-KUPANG mai hanorin iha UNPAZ.

“Asina akordu kontinuasaun ida ba oin ne’e, atu foka liu ba iha isu-isu importante sira kona-ba peskiza hamutuk liuliu hala’o iha área fronteira ninian, kona-ba aspeitu seguransa, ekonomia, sosiais nomós kultura ninian. Husi rezultadu sira ne’e, oinsa bele fó kontribuisaun ba nasaun rua entre Indonesia ho Timor-Leste, nomós husi rezultadu ida ne’e bele fó tulun ba governu, atu bele hanoin solusaun ba rezolve problema sosiais, ekonomia, kultura no seguransa inklui problema komunidade sira nian”,tenik Vise.

Nia dehan, rezultadu peskiza ida ne’e mós nu’udar parte kontribuisaun husi peskiza akadémiku, oinsa bele fó solusaun, oinsa governu bele rezolve problema iha parte fronteira ninian nomós bele hasa’e ekonomia komunidade iha rai rua ne’e bele moris di’ak, iha parte saúde, edukasaun, agrikultura ne’ebé di’ak liu inklui parte turizmu nian, tanba turizmu ita dezenvolve di’ak bele fó retornu ba ita nia nasaun.

Entretantu vizita bainaka husi Undana Kupang sira nian ne’e, hetan partisipa husi Vise Reitór Asuntu Mestradu no Doutoramentu, Dr. Martinus Nahak Lino, AMKL, Lic. SP.,MAP.,M.SP. Dekanu FCSH, Dr. Fernando Dias Gusmão, A. Md.S.IP.,M.AP. Xefe Departamentu Administrasaun Públika nomós Dosente sira.