UNPAZ HO MNEK SEI ORGANIZA SEMINARIU HAMUTUK IHA UNPAZ

UNPAZ HO MNEK SEI ORGANIZA SEMINARIU HAMUTUK IHA UNPAZ

Dili-Universidade da Paz (UNPAZ) liuhusi Ministétriu Negósiu Estranjéiru no Kooperasaun (MNEK) sei servisu hamutuk ho UNPAZ hodi organiza seminariu kona-ba progresu servisu MNEK nian durante 20 anos.

Magnifiku Reitór Universidade da Paz, Dr. Adolmando Soares Amaral, Lic.Eco.,MM. hateten ohin ekipa husi Ministeriu Negosiu estrangeiru mai iha UNPAZ, ho objetivu atu halo sosializa informasaun kona-ba sira nia progresu servisu durante 20 anos, ne’ebé mak sei realiza iha sesta semana ne’e.

“Sira mai atu fahe informasaun ba estudante universitáriu sira, tanba ne’e mak ohin sira mai ita ko’alia atu servisu hamutuk, para organiza seminariu ne’e, para sira bele dezamina informasaun kona-ba progresu servisu iha ministériu negósiu estrangéiru nian duranre 20 anos”,dehan Reitór UNPAZ, hafoin remata diskusaun iha Aula Prof. Dr. Lucas da Costa (30/05).

Entretantu tuir observasaun média nian, ekipa husi Ministétriu Negósiu Estranjéiru no Kooperasaun (MNEK) primru halo diskuasaun hamutuk ho Dekanu FCSH, nia fatin, hafoin vizita ba iha Magnifiku Reitór nia kna’ar fatin, hodi halo mós diskuasun hanesan kona-ba seminariu ne’ebé mak sei realiza hamutuk iha sesta semana ne’e.

Partisipa iha diskuasun ne’e, Dekanu FCSH ho estrutura Fakuldade no Vise Reitór Assuntu Akadémiku nomós Vise Reitor Administrasaun Geral e finansas, inklui Ekipa husi MNEK.