UNPAZ HO MENZIES NO COMO-NET TIMOR-LESTE ORGANIZA SEMINARIU NASIONAL

UNPAZ HO MENZIES NO COMO-NET TIMOR-LESTE ORGANIZA SEMINARIU NASIONAL

Dili-Universidade da Paz (UNPAZ) servisu hamutuk ho Menzies no Camo-Net Timor-Leste, organiza Semináriu Nasionál ho tema “Rezisténsia Antimikrobial (Ram/Amr) No Optimizasaun Uza Antimikrobial Iha Timor-Leste”, iha Salaun José Kasimiru (19/11/24).

Prof. Dr. Nelson Martins, MD.,MHM.,Ph.D.,esplika semináriu nasionál ho tema antimikrobial, antimikrobial ne’e hanesan aimoruk ne’ebé ita uza atu luta kontra hamate baktéria sira, hanesan tuberkuloja, lepra inklui lumbriga sira.

“Eventu ne’e atu komemora loron domingu/ semana antimikrobial ne’ebé komemora iha mundu tomak Camo-Net iha Timor-Leste ne’ebé reprezenta Menzies ho UNPAZ, organiza seminariu ida ne’e, atu involve estudante sira medicina sira husi UNPAZ nomós universidade sira seluk, atu hatene kona-ba ba moras perigu sira ne’e,” tenik Prof. Dr. Nelson.

Iha fatin hanesan reprezenta Magnífiku Reitór UNPAZ, Vise Reitor Asuntu Programa Mestradu no Doutoramentu, Dr. Martinus Nahak Lino, AMKL, Lic. SP.,MAP.,M.SP. iha abertura seminariu nasional ne’e esplika, semináriu nasionál ne’e organiza, tanba UNPAZ ho Camo-Net, servisu hamutuk hodi haree kona-ba moras rezisténsia antimicrobial, bazeia ba peskizador no dosentes sira-nia peskiza. Nune’e atu aprezenta rezultadu peskiza nian ba estudante sira atu bele kompriende no hatene depois bele sai mós hanesn fontes informasaun ba komunidade.

Entretantu partisipa iha seminariu ne’e husi oradóres oioin husi parte área saúde animal, saúde ema nian husi Menzies no UNPAZ, diresaun nasionál beternaria, diresaun nasionál farmásia medikamentu nomós ministeriu saúde, dosentes inklui estudantes universitáriu iha Dili laran.