UNPAZ HO INDOMED EDUCARE PRIVATE LIMITED ASINA MoU HOHI ESTABELE KURSU MEDICINA
Dili-Universidade da Paz (UNPAZ) realiza Serimónia Memorandum Of Understanding (MoU) entre UNPAZ ho Indomed Educare Private Limited, ne'ebé asina direta husi Magnífiku Reitór, Dr. Adolmando Soares Amaral, Lic. Eco.,MM. ho Reprezentante Mr. Raja Thangappan, ba estabelesimentu Kursu Medicina Geral, iha Aula Prof. Dr. Lucas da Costa (11/05/24).
Prezidente Konsellu Administrasaun FNM, Eng. José S. Menezes M.FoodTech. hateten ohin ita asina Memorandum Of Understanding (MoU)entre UNPAZ ho INDOMED EDUCARE husi Índia, atu estabelese kursu medisina Geral iha UNPAZ, maibé sira mak lori estudante internasionál sira husi Índia nomós estudante nasionál sira mós bele tama, maibé iha aula laran hanori materia ho lian Ingles hotu.
“Ida ne'e di'ak tebes, tanba ita UNPAZ oferese fatin no sira mak buka estudante, ida ne'e nu'udar pasu importante tebes, eskola medicina ida ne'e, suporta husi Índia, MoU ita asina barak ona, maibé MoU ida ne'e ho realidade, tanba husi parte governu, liu-liu Vise PM Eng. Mariano Assanami, ne'ebé ohin ko'alia mós liuhusi tlfn, tanba ne'e agradese ba estrutura universidade nomós parte governu ne'ebé aijuda UNPAZ”,dehan Prezidente FNM.
Entretantu iha Memorandum Of Understanding (MoU), asina direta husi, Magnífiku Reitór, Dr. Adolmando Soares Amaral, Lic. Eco.,MM. ho Reprezentante Indomed Educare Private Limited, Mr. Raja Thangappan. No akompaña husi Prezidente Konsellu Administrasaun FNM, Eng. José S. Menezes M.FoodTech, Ekipa husi India nomós Diretór WHO, Dr. Arvind Mathur, Vise Reitóres sira, Pro-Reitores, Dekanu Fakuldade 6, Vise dekanu no Xefe Departamentu sira, Diretór Unidade sira nomós Corpus dosente hotu inklui Funsionariu sira.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
