UNPAZ HO GMN-TV ASINA NOTA KOOPERASAUN BA IMPLEMENTA PROGRAMA GOES TO CAMPUS

UNPAZ HO GMN-TV ASINA NOTA KOOPERASAUN BA IMPLEMENTA PROGRAMA GOES TO CAMPUS

DiliUniversidade da Paz (UNPAZ) nia Magnifiku Reitór, Dr. Adolmando Soares Amaral, Lic. Eco.,MM. asina nota kooperasaun ho Diretor Geral GMN, Sr. Levi Serrano, hodi servisu hamutuk ba implementa programa (Goes to Campus), iha Aula Prof. Dr. Lucas da Costa (05/06).

Magnifiku Reitór Universidade da Paz, Dr. Adolmando Soares Amaral, Lic. Eco.,MM. hateten antes ne’e iha ona aprosimasaun husi ekipa tekniku GMN-TV mai halo aprosimasaun iha UNPAZ, ho programa ida GMN Goes to Campus, ho ida ne’e iha diskusaun lubuk ida iha konkordansia katak, bele implementa programa ida ne’e iha UNPAZ.

Nia hatutan, husi konkordansia ida ne’e, atu haree atividade tomak universidade da paz nian, hahú huis reitoradu ba to’o fakuldade no programa estudu sira, vise reitor ho vise dekanu sira nomós pro-reitor ba diretor unidade sira, inklui atividade senadu estudante sira, iha universidade ba to’o fakuldade nomós programa estudu sira.

“Husi srvisu kooperasaun ne’e implementa ba iha tempu naruk, maibe ba programa GMN Goes to Campus ne’e iha fulan balu de’it, maibe depois de ida ne’e kontinua ho programa seluk, maibe nota de kooperasaun GNM ho UNPAZ ne’e ba iha tempu naruk, tanba ne’e mak ohin ita hahú ona asina nota ko0perasaun, atu bele hahú ona servisu ne’e iha tempu badak”,dehan Reitór UNPAZ.

Diretor Geral GMN, Sr. Levi Serrano, hateten ita haree ba oportunidade ida ne’ebé importante tebes iha mundu akadémiku, tanba ne’e mak GMN iha ideia ida hodi halo aprosimasaun ho UNPAZ hodi implementa programa Goes to Campus.

“Huia programa ne’e atu hatudu ba públiku nomós povu iha Timor laran tomak katak, mundu estudante ne’e hanesan ne’e, no sira nia moris lor-loron oinsa, husi programa ida ne’e, bele fó imagen ida ba povu tomak iha Timor katak, ita nia estudante universitariu sira mak ida ne’e, hodi sai mós hanesan gerasaun futuru ba ita nia rai Timor”,tenik Diretor Geral GMN, Sr. Levi.

Entretantu, asina nota Kooperasaun ne’e, asina direta husi Magnifiku Reitór Universidade da Paz, Dr. Adolmando Soares Amaral, Lic. Eco.,MM. ho Diretor Geral GMN, Sr. Levi Serrano, nomós akompaiña huis Vise Reitór Adm Geral e Finansas,Vise Reitor Assuntu Kooperasaun, Xefe Gabinete Reitoradu. Nomós ekipa huis GMN-TV, inklui Estudante Protokollu husi UNPAZ.