UNPAZ HO APTA REALIZA DISKUSAUN MESA KABUAR

#UNPAZ# 08 SETEMBRU 2021

UNPAZ HO APTA REALIZA DISKUSAUN MESA KABUAR

Dili-Universidade da Paz (UNPAZ), liuhusi Programa Mestradu UNPAZ ne’ebé servisu hamutuk ho Assosiasaun Peskizador Timor Anan (APTA hodi realiza diskusaun mesa kabuar, ho tema "Pandemia Civid-19 ho Nia Implikasaun Sira ba Vida Labarik Timor-Leste" iha Aula Prof.Dr. Lucas da Costa (08/10).

Dekanu Fakuldade Ciensia Sociais e Humaniora, Dr. Fernando Dias Gusmão, S.IP.,M.AP. iha nia abertura, agradese ba APTA tamba sempre promove diskusaun iha Universidade da Paz, kona-ba topiku sira ne’ebé atual no importante atu ita tau hanoin no ideias hamutuk, ita bele lori nu’udar rekomendasaun ba ita nia instituisaun sira ne’ebé iha kompetensia atu foti desizaun.

"Nu’udar akadémiku haree kestaun ba problema ne’ebé akontese ne’e ita espera katak, ita nia autoridade sira  bele hola atensaun ba ida ne’e, formula polítika sira ne’ebé mak bele responde no hadia situasaun ida ne’e, husi ita nia diskusaun ida ne’e atu halibur ideias sira, para problema sira ne’ebé ita aprezenta iha diskusaun oinsa nia solusaun", tenik Dr. Fernando.

Xefe Departamentu Programa Polítika no Peskiza, ba Komisaun Direitu Labarik, Sr. José Correia de Piedade, hatutan asuntu importante ne’ebé ita fó sai liuhusi diskusaun mesa kabuar, asuntu sira ne’ebé afeta ba asuntu direitu labarik enjerál, hanesan asuntu edukasaun, Justisa, Saúde, inklui asuntu labarik nian, ida ne’e mak ita fó sai iha diskusaun ne’ebé organiza husi APTA kopera ho Progma Mestradu UNPAZ.

Partesipa iha diskusaun mesa kabuar ne’e, Dekanu Fakuldade Ciensia Sociais e Humaniora, Dr. Fernando Dias Gusmão, S.IP.,M.AP. Xefe Departamentu Programa Polítika no Peskiza, ba Komisaun Direitu Labarik, Sr. José Correia de Piedade, Komvidadus sira, Estrura APTA, inklui Estudante sira.