UNPAZ HETAN VIZITA HUSI MISSAUN BANKU MUNDIAL JAKARTA HO INSTITUTO NASIONAL ESTATISTIKA TL

UNPAZ HETAN VIZITA HUSI MISSAUN BANKU MUNDIAL JAKARTA HO INSTITUTO NASIONAL ESTATISTIKA TL

Dili-Universidade da Paz (UNPAZ) nia Vise Reitóra Asuntu Konsellu Sientífiku, Sra. Herminia dos Santos Ximenes, L. Enf.,M.Kep. simu bainaka husi Missaun Banku Mundial Jakarta ho Instituto Nasional Estatistika Timor-Leste, hodi ko’alia kona-bá Implementasaun Planu Estratégiku Dezenolvimentu Estatistika 2023-2030, iha Aula Mestradu (24/05/24).

Vise Reitóra Asuntu Konsellu Sientífiku, Sra. Herminia dos Santos Ximenes, L. Enf.,M.Kep. esplika ohin iha diskusaun foka liu kona-bá estabelesimentu steering commite ba Planu estratéjiku dezenvolvimentu estatistika, Pilotu ba dados administrativiu, Monitoring ba implementasaun planu no Aprova dadus estatistiku ba foti disizaun.

Nia dehan, Iha hasoru malu ne’e, parte Steering Commite husu, oinsa dadus Sistema servisu iha Universidade da Paz iha parte akadémiku, peskiza, públikasaun, koperasaun, rekursus, graduadus, alumni ne’ebé ligadus ho dadus. Nune’e bazeia ba despacho husi Magnífiku Reitór, maka hanesan Vise Reitora Assuntu Konsellu Sientífiku lídera no halao diskusaun lubuk ida, bazeia ba pergunta ne’ebé hato’o relasiona progresu eziste iha Universidade.

“Iha Universidade da Paz ne’ebé harii iha 2004, ne’ebé tutela iha Fundasasaun Neon Metin, Tinan-tinan sempre fó gradua ba estudante sira iha área oioin iha fakuldade 6 ne’ebé eziste iha UNPAZ, Ami nia alumni barak servisu ona iha Ministériu tantu governu no privadu, nune’e dosente sira la’os fokus ba hanorin de’it, maibe sira hala’o peskiza , joint research no públikasaun, UNPAZ mós halo Koperasaun assina MoU no MoA ho parseiru rai laran nomós rai liur. Aktividade hotu ne’ebé mak iha Universidade Paz iha Sistema “Campus Management System” ne’ebé maka públiku sira bele assesu",tenik Vise.

Nia salienta, parte Steering Commite husu planu ba oin, atu universiddade sira bele hola parte hotu iha membru Steering Commite, hodi haree ba dadus Estatistika Universidade sira hotu iha Timor-Leste, liu-liu iha parte dadus estatistika nian.

Partisipa iha diskusaun ne’e, Vise Reitóra Asuntu Konsellu Sientífiku, Sra. Herminia dos Santos Ximenes, L. Enf.,M.Kep. ekipa husi Missaun Banku Mundial Jakarta ho Instituto Nasional Estatistika Timor-Leste.