UNPAZ HETAN VIZITA HUSI EMBAIXADOR TL BA VIETNMAN

UNPAZ HETAN VIZITA HUSI EMBAIXADÓR TL BA VIETNMAN

Dili- Universidade da Paz (UNPAZ), Liuhusi Embaixadór-TL ba Vietnam mai hala’o vizitasaun kortejia Universidade, hodi halo aproximasaun ba kooperasaun ba futuru entre UNPAZ ho THAI NGUYEN University iha Vietnam.

Iha vizitasaun ne’e, Vise-reitór Asuntu Kooperasaun Interna & Externa Sr. Luis Pereira Cardoso, Lic, CSH.MA.,Mcs. hateten exelénsia Embaixadór TL ba Vietnam Sr. João Pereira, mai hala’o vizita kortejia UNPAZ no hasoru malu ho ha’u no vise-reitór asuntu estudantil, vizita embaixadór ne’e, nu’udar faze dahuluk aproximasaun ba UNPAZ, oinsa bele halo koopersaun ho THAI NGUYEN University IHA área agrikuktura nomós floresta nian, atu servisu hamutuk iha futuru. Tanba THAI NGUYEN University Vietnman ne’ebé maka’as liu iha parte agrikultura nian.

“Aprezentasaun ohin ita mós hein oportunidade ba oin, hodi hala’o kooperasaun di’ak liután liu-liu iha área agrikultura nian nomós ba asuntu floresta nian, ne’ebé importante tebes”,dehan Vise-reitór Asuntu Kooperasaun Interna & Externa Sr. Luis Pereira Cardoso, Lic, CSH.MA.,Mcs. iha nia kna’ar fatin hafoin rema diskusaun (27/11/24).

Vise-reitór salienta, informasaun sira ne’ebé iha sei transfere ba universidade, hodi bele ba vizita universidade refere, atu asina nota-entendimentu no buat hotu Embaixadór TL baVietman mak sei fasilita ita hodi bele ba iha ne’ebá. No Konkordánsia ne’ebé iha mak wainhira bele promove THAI NGUYEN University International no ita aseita ho sira-nian programa ne’ebé iha, mak sira mós hakarak atu halo kooperasaun ho ita iha futuru.

Entretantu vizita koretejia husi bainaka ne’e, marka mós prejensa husi, Vice Reitora Asuntu Estudantil, Sra. Felisbela A. O de Oliveira, Lic.Sp., M.SP. inklui mós Funsionariu Administrasaun Vise-reitor Asuntu Kooperasaun nian.