UNPAZ HETAN VIZITA HUSI EMBAIXADOR JAPAUN IHA TL
Universidade da Paz (UNPAZ), liuhusi senadu universidade simu vizita husi Excelénsia Embaixadór Japaun iha Timor-Leste Sr. Tetsuya Kimura, iha aula Prof. Dr. Lucas da Costa (21/07).
Magnífiku Reitór Universidade da Paz, Dr. Adolmando Soares Amaral, Lic.Eco.,MM informa, Familia bo’ot universidade agradese tebes ba Sr. Embaixadór Japaun ne’ebé mai hala’o vizita iha Unpaz, atu buka hatene di’ak kona-ba programa sira ne’ebé mak universidade iha.
“Embaixadór Japaun iha timor-leste ohin mai iha ne’e, halo diskusaun lubuk ida ho ita no sira buka atu hatene Unpaz di’ak liután nomós fakuldade sira liu-liu ba programa sira ne’ebé mak Unpaz iha. Nune’e, ohin ita aprezenta, Fundasaun mós aprezenta ona polítika fundasaun nian, fakuldade sira mós aprezenta ona ninia programa sira. Ho ida ne’e, Sr. embaixadór kontenti lo’os ho diskusaun sira ne’ebé iha, nia espera iha futuru sira bele ajuda no tulun Unpaz”,tenik Reitór.
Entretantu Vizitasaun Excelénsia Embaixadór Japaun iha Timor-Leste Sr. Tetsuya Kimura ne’ebé akompaña husi Ministra ba Programa Edukasaun Japaun iha Timor-Leste ne’e, simu direta dansa kultura (Tebedai) husi estudante FSPeCM. No partisipa husi senadu universidade ne’ebé kompostu husi; Magnífiku Reitór Universidade da Paz, Dr. Adolmando Soares Amaral, Lic.Eco.,MM, Pro-reitóres sira, Vise-Reitóres sira no dekanu husi fakuldade neen.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
