UNPAZ HETAN VIZITA HUSI BAINAKA ESPESIAL KUPANG NO WARMADEWA

UNPAZ HETAN VIZITA HUSI BAINAKA ESPESIAL KUPANG NO WARMADEWA

Dili-Universidade da Paz (UNPAZ) Hetan vizita kortejia ida husi bainaka espesial husi Kupang no Warmadewa, ne'ebé simu direta husi Magnífiku Reitór, Dr. Adolmando Soares Amaral, Lic. Eco.,MM. Ho Estrutura tomak, iha Aula Prof. Dr. Lucas da Costa (12/10).

Magnífiku Reitór, Universidade da Paz, Dr. Adolmando Soares Amaral, Lic. Eco.,MM. Hateten ami familia bo'ot UNPAZ agradese ba Universidade Warmadewa no universidade STIKUM MALAKA, ami familia bo'ot UNPAZ sente Orgullu ba prezénsa ekipa husi universidade rua mai iha UNPAZ.

Nia esplika, Ba Universidade Warmadewa ita servisu kleur tiha ona, liuhusi ita nia servisu hamutuk ida ne'e maka Dosente husi UNPAZ ba kontinua sira-nia estudu doutoramentu iha Warmadewa iha fakuldade direitu nomós Dosente na'in ualu husi fakuldade enjeñaria ba kontinua estudu ba programa Mestradu iha Warmadewa.

"Ho ida ne'e mak ohin prezénsa husi Warmadewa mai iha UNPAZ ho objetivu atu esplika kona-ba programa sira ne'ebé mak atu implementa iha futuru. Dala ida tan, ami hato'o ami nia benvindu ba ekipa husi universidade STIKUM MALAKA, ohin bele mai to'o Kampus UNPAZ",dehan Reitór UNPAZ.

Partisipa iha prezénsa husi bainaka espesial sira mai iha UNPAZ, Magnífiku Reitór, Universidade da Paz, Dr. Adolmando Soares Amaral, Lic. Eco.,MM. ho Estrutura tomak Universidade nian nomós Ekipa husi Universidade Warmadewa no STIKUM, inklui Funsionáriu sira.