![UNPAZ HETAN VIZITA DAHULUK HUSI DIRETOR EZEKUTIVU ANAAA FOUN](https://unpaz.tl/asset/foto_berita/418.jpg)
UNPAZ HETAN VIZITA DAHULUK HUSI DIRETÓR EZEKUTIVU ANAAA FOUN
Dili-Universidade da Paz (UNPAZ) nia Magnifiku Reitór Universidade da Paz, Dr. Adolmando Soares Amaral, Lic.Eco, MM. ho estrutura simu vizita dahuluk husi Diretor Ezekutivu Ajénsia Nasional Avaliasaun Akreditasaun (ANAAA) Dr. Nilton Dimantino Paiva Mau ho ekipa l, iha Aula Prof. Dr. Lucas da Costa (11/01).
Reitór UNPAZ, haktuir ita universidade tuir akreditaaun intituisionál dala ida no rea-akreditasaun instituisionál dala tolu iha mandatu diretór ezekutivu ne’ebé mak lahanesan, maibé ita hetan rezultadu di’ak oituan ba ita.
“Ita espera katak, ho mandatu foun diretor ezekutivu ANAAA dadaun ne’e, bele hetan kooperasaun ida ne’ebé di’ak liután hanesan parseiru ne’ebé sai ona parséria ba ANAAA, ami presija ita-bo’ot sira nia tulun ajuda fó matenek ne’ebé ita bo’ot sira iha, ita-bo’ot sira la’os mai atu julga ami, maibé ita-bo’ot sira nia prezensa hatudu ba ami kon-ba saida mak ami sei menus hodi aumenta no hadi’a”,dehan Reitór UNPAZ.
iha sorin seluk, Diretor Ezekutivu ANAAA-PI, Dr. Nilton Dimantino Paiva Mau, mós akresenta vizita husi ANAAA mai iha universidade da paz, sai hanesan vizita fraterniadade laiha asuntu akreditasaun, maibé mai atu hato’o opiniaun ba planu sira ne’ebé sei hala’o iha tinan ida ne’e, ne’ebé la sees husi kooperasaun universidade públiku no privadu iha timor-laran.
“Diretór ezekutivu ne’e mós hato’o apresiasaunba ba reitór ho estrutura tomak, tanba universidade da paz bele hetan akreditasaun instituisionál ho valor (B)’tenik Diretor Ezekutivu ANAAA-IP, Dr. Nilton.
Diretór ezekutivu ne’e mós klarifka katak, iha mudansa oituan depois mosu dekreitu lei ne’ebé tuun mai ANNAA muda ba ANAAA-IP, katak papél husi ANAAA-IP ne’e, sai hanesan reguladór objetivu prinsipál ne’ebé mak atu dezenvolve garantia kualidade ensinu superior, tantu públiku no privadu, ANAAA sai hanesan maluk ka belun ida ne’ebé bele ajuda ensinu superior sira atu eleva nafatin nia kualidade.
Reuniaun ne’e, akompaña husi senadu Universidade da Paz, ne’ebé kompostu husi Vise reitores sira, Dekanu Fakuldade 6, Xefe Departamentu sira, Pro-Reitores sira, Diretor/a Unidade sira, Dosentes, Funsionariu, nomós Diretor Ezekutivu (ANAAA-IP) Dr. Nilton Dimantino Paiva.